തിരുവനന്തപുരം: ശ്രീ ചട്ടമ്പിസ്വാമി സാംസ്കാരിക സമിതി ഏർപ്പെടുത്തിയ ചട്ടമ്പിസ്വാമി സ്‌മൃതി പൂജാവർഷ പുരസ്‌കാരം ഗോവ ഗവർണർ പി.എസ്.ശ്രീധരൻ പിള്ള ഇന്ന് ഏറ്റുവാങ്ങും . രാവിലെ 11ന് സൗത്ത് പാർക്ക് ഹോട്ടലിൽ നടക്കുന്ന ചടങ്ങിൽ മുൻ ഉപരാഷ്ട്രപതി എം.വെങ്കയ്യ നായിഡു പുരസ്‌കാര സമർപ്പണം നടത്തും. അശ്വതി തിരുനാൾ ഗൗരി ലക്ഷ്മീബായി,രമേശ് ചെന്നിത്തല,കുമ്മനം രാജശേഖരൻ,പന്ന്യൻ രവീന്ദ്രൻ,മലങ്കര ആർച്ച് ബിഷപ്പ് കർദ്ദിനാൾ ക്ലീമിസ് മാർ ബസേലിയസ് തുടങ്ങിയവർ പങ്കെടുക്കും. സാഹിത്യ സാംസ്‌കാരിക മേഖലകൾക്ക് നൽകിയ സംഭാവനകൾ പരിഗണിച്ച് മുൻ ചീഫ് സെക്രട്ടറി ആർ.രാമചന്ദ്രൻ, എഴുത്തുകാരൻ ഡോ.ജോർജ് ഓണക്കൂർ,എസ്.മഹാദേവൻ തമ്പി എന്നിവരടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്.