 ഒക്‌ടോബർ രണ്ട് മുതൽ ക്യാമ്പയിൻ

തിരുവനന്തപുരം: ആമയിഴഞ്ചാൻ തോട്ടിലെ ദുരന്തത്തെ തുടർന്ന് ഹൈക്കോടതി ഇടപെട്ടതോടെ സംസ്ഥാനത്ത്മാലിന്യ നിർമ്മാർജ്ജനത്തിന് കർശന നടപടികളിലേക്ക് സർക്കാർ കടക്കുന്നു.

ഇന്നലെ മുഖ്യമന്ത്രിയുടെ അദ്ധ്യക്ഷതയിൽ ചേർന്ന സർവകക്ഷിയോഗത്തിലാണ് തീരുമാനം. 'മാലിന്യമുക്തം നവകേരളം' എന്ന ക്യാമ്പയിനും ആരംഭിക്കും. അന്താരാഷ്ട്ര സീറോ വേസ്റ്റ് ദിനമായ 2025 മാർച്ച് 30ന് സമ്പൂർണ ശുചിത്വ കേരളമായി പ്രഖ്യാപിക്കുകയാണ് ലക്ഷ്യം.

ഗാന്ധിജയന്തി ദിനമായ ഒക്‌ടോബർ രണ്ടിന് ആരംഭിച്ച് അടുത്ത വർഷം മാർച്ച് 30വരെ നീണ്ടുനിൽക്കുന്നതാണ് 'മാലിന്യമുക്തം നവകേരളം' ക്യാമ്പയിൻ. പൂർണ പിന്തുണ നൽകുമെന്ന് പ്രതിപക്ഷ കക്ഷികൾ അറിയിച്ചു.

മാലിന്യത്തിന്റെ അളവ് കുറക്കൽ, കൃത്യമായി തരംതിരിക്കൽ, ജൈവ മാലിന്യങ്ങളും ദ്രവമാലിന്യങ്ങളും ഉറവിടത്തിൽ സംസ്‌കരിക്കൽ, അജൈവ പാഴ് വസ്തുക്കൾ ഹരിതകർമസേനകൾ വഴി കൈമാറൽ മുതലായ പ്രവർത്തനങ്ങൾ ജനപങ്കാളിത്തത്തോടെ നടപ്പാക്കും.

ജനകീയ വിജിലൻസ് സ്‌ക്വാഡുകൾ രൂപീകരിക്കും, പൊലീസ് വകുപ്പിന്റെ സഹായത്തോടെയുള്ള എൻഫോഴ്‌സ്‌മെന്റ് നടപടികൾ ശക്തമാക്കും, ശുചിത്വം-ആരോഗ്യം എന്നിവയുമായി ബന്ധപ്പെട്ട വിവിധ ഏജൻസികളുടെ പരിശോധനകൾ എന്നിവ കാര്യക്ഷമമാക്കും. ആവശ്യമായ ഇടങ്ങളിൽ എ.ഐ ക്യാമറകൾ സ്ഥാപിക്കും.

കൂട്ടായ പ്രയത്നം

കൂട്ടായ ഇടപെടലിലൂടെ കക്കൂസ് മാലിന്യ സംസ്‌ക്കരണത്തിന് ആവശ്യമായ പ്ലാൻറുകൾ സ്ഥാപിക്കും. ജലസ്രോതസും നീർച്ചാലുകളും ശുദ്ധീകരിക്കും. ശാസ്ത്രീയമായ രീതിയിൽ ലാൻറ് ഫില്ലുകൾ ആരംഭിക്കും. സമ്പൂർണ മാലിന്യ സംസ്‌കരണ സംവിധാനം ഏർപ്പെടുത്തിയ ടൗണുകൾ, റസിഡൻഷ്യൽ മേഖലകൾ , പാർക്കുകൾ, മാർക്കറ്റുകൾ, പൊതുസ്ഥലങ്ങൾ എന്നിവിടങ്ങളിൽ പോരായ്മകൾ പരിഹരിക്കും.

നിയമലംഘനം

തടയാൻ നടപടി

നിരോധിത പ്ലാസ്റ്റിക് ഉൽപന്നങ്ങൾ സംസ്ഥാനത്തേക്ക് കടത്തുന്നില്ലെന്ന് ഉറപ്പാക്കാൻ കർശന പരിശോധന. ഇവ നിർമ്മിക്കുന്ന സ്ഥാപനങ്ങൾ, മൊത്തക്കച്ചവടക്കാർ, സ്റ്റോക്കിസ്റ്റുകൾ എന്നിവർക്കെതിരെ കർശന നടപടി. പ്ലാസ്റ്റിക്ക് ഉപഭോഗം പരമാവധി കുറയ്ക്കുന്നതിന് ബോധവൽക്കരണം.

`എല്ലാവരും ഒന്നിച്ചുനിന്നാൽ നിശ്ചിത സമയത്തിനുള്ളിൽ ലക്ഷ്യപ്രാപ്തി കൈവരിക്കാനാകും. രാഷ്ട്രീയ പാർട്ടികളും വർഗ ബഹുജന പോഷക സംഘടനകളും സജീവമായി പങ്കാളികളാകണം.'

- മുഖ്യമന്ത്രി പിണറായി വിജയൻ

`മാലിന്യ നിർമ്മാർജനത്തിന് തടസ്സമാകുന്ന നിരോധിത ഉൽപനങ്ങൾ ഉൽപാദിപ്പിക്കപ്പെടുന്നില്ല എന്ന് ഉറപ്പാക്കാൻ കർശന സംവിധാനം വേണം. സർക്കാർ പ്രവർത്തനങ്ങൾക്ക് ക്രിയാത്മക പിന്തണ നൽകും.'

- പ്രതിപക്ഷ നേതാവ്

വി.ഡി സതീശൻ.

ജി​ല്ലാ​ത​ല​ ​നി​ർ​വ്വ​ഹ​ണ​ ​സ​മി​തി

മാ​ലി​ന്യ​മു​ക്ത​ ​ന​വ​കേ​ര​ളം​ ​ക്യാ​മ്പ​യി​ന് ​ജി​ല്ലാ,​ബ്ലോ​ക്ക്,​കേ​ർ​പ്പ​റേ​ഷ​ൻ​/​മു​ൻ​സി​പ്പാ​ലി​റ്റി​/​ഗ്രാ​മ​പ​ഞ്ചാ​യ​ത്ത് ​ത​ല,​ ​വ​ർ​ഡ്/​ഡി​വി​ഷ​ൻ​ത​ല​ ​നി​ർ​വ​ഹ​ണ​ ​സ​മി​തി​ക​ൾ​ ​രൂ​പീ​ക​രി​ക്കും.​ ​എ​ല്ലാ​ ​സ​മി​തി​ക​ളി​ലും​ ​രാ​ഷ്ട്രീ​യ​ ​പാ​ർ​ട്ടി,​യു​വ​ജ​ന,​വി​ദ്യാ​ർ​ത്ഥി,​വ​നി​താ,​സ​ന്ന​ദ്ധ​ ​സം​ഘ​ട​ന​ ​പ്ര​തി​നി​ധി​ക​ളു​ണ്ടെ​ന്ന് ​ഉ​റ​പ്പാ​ക്കും.​ ​ത​ദ്ദേ​ശ​ ​സ്ഥാ​പ​ന​ത​ല​ ​സം​ഘാ​ട​ക​ ​സ​മി​തി​ക​ളും​ ​വാ​ർ​ഡ്ത​ല​ ​സം​ഘാ​ട​ക​ ​സ​മി​തി​ക​ളും​ ​ര​ണ്ടാ​ഴ്ച​യി​ലൊ​രി​ക്ക​ൽ​ ​യോ​ഗം​ ​ചേ​ർ​ന്ന് ​പ്ര​വ​ർ​ത്ത​ന​ങ്ങ​ൾ​ ​വി​ല​യി​രു​ത്ത​ണം.
ഓ​ൺ​ലൈ​നാ​യി​ ​ചേ​ർ​ന്ന​ ​യോ​ഗ​ത്തി​ൽ​ ​അ​ച്യു​ത്ശ​ങ്ക​ർ​ ​എ​സ്.​ ​നാ​യ​ർ​ ​(​കോ​ൺ​ഗ്ര​സ്-​ഐ​),​ഇ.​ ​ച​ന്ദ്ര​ശേ​ഖ​ര​ൻ​ ​(​സി.​പി.​ഐ​),​എ​ൻ​ ​ഷം​സു​ദ്ദീ​ൻ,​​​(​ഐ.​യു.​എം.​എ​ൽ​),​കെ.​ ​അ​ന​ന്ദ​കു​മാ​ർ​ ​(​കേ​ര​ള​ ​കോ​ൺ​ഗ്ര​സ്-​എം​),​പി.​ജെ.​ ​ജോ​സ​ഫ് ​(​കേ​ര​ള​ ​കോ​ൺ​ഗ്ര​സ്),​മാ​ത്യു​ ​ടി.​ ​തോ​മ​സ് ​(​ജ​ന​താ​ദ​ൾ​-​സെ​ക്യു​ല​ർ​),​പി.​എം.​ ​സു​രേ​ഷ് ​ബാ​ബു​ ​(​എ​ൻ.​സി.​പി​),​കെ.​ ​ജി.​ ​പ്രേം​ജി​ത്ത് ​(​കേ​ര​ള​ ​കോ​ൺ​ഗ്ര​സ് ​-​ ​ബി​),​ഷാ​ജ​ ​ജി.​ ​എ​സ്.​ ​പ​ണി​ക്ക​ർ​ ​(​ആ​ർ.​എ​സ്.​പി​-​ലെ​നി​നി​സ്റ്റ്),​കെ.​ആ​ർ.​ ​ഗി​രി​ജ​ൻ​ ​(​കേ​ര​ള​ ​കോ​ൺ​ഗ്ര​സ്-​ജേ​ക്ക​ബ്),​സി.​ ​കൃ​ഷ്ണ​കു​മാ​ർ​ ​(​ബി.​ജെ.​പി​),​ഡോ.​ ​വ​ർ​ഗീ​സ് ​ജോ​ർ​ജ് ​(​രാ​ഷ്ട്രീ​യ​ ​ജ​ന​താ​ദ​ൾ​),​ബാ​ബു​ ​ദി​വാ​ക​ര​ൻ​ ​(​ആ​ർ.​എ​സ്.​പി​),​കാ​സിം​ ​ഇ​രി​ക്കൂ​ർ​ ​(​ഐ.​എ​ൻ.​എ​ൽ​),​പി.​സി.​ ​ജോ​സ​ഫ് ​(​ജ​നാ​ധി​പ​ത്യ​ ​കേ​ര​ള​ ​കോ​ൺ​ഗ്ര​സ്)​ ​എ​ന്നി​വ​രും​ ​മ​ന്ത്രി​മാ​രാ​യ​ ​എം.​ബി.​ ​രാ​ജേ​ഷ്,​കെ.​ ​രാ​ജ​ൻ,​രാ​മ​ച​ന്ദ്ര​ൻ​ ​ക​ട​ന്ന​പ്പ​ള്ളി,​ചീ​ഫ് ​സെ​ക്ര​ട്ട​റി​ ​ഡോ.​ ​വേ​ണു​ ​വി,​അ​ഡി​ഷ​ണ​ൽ​ ​ചീ​ഫ് ​സെ​ക്ര​ട്ട​റി​ ​ശാ​ര​ദാ​ ​മു​ര​ളീ​ധ​ര​ൻ​ ​എ​ന്നി​വ​രും​ ​സം​സാ​രി​ച്ചു.