തിരുവനന്തപുരം: കേരളകൗമുദി ബോധപൗർണമി ക്ലബ്ബും റോട്ടറി ക്ലബ് ഒഫ് ട്രിവാൻഡ്രം അമിറ്റിയും ജനമൈത്രി പൊലീസും സംയുക്തമായി കുന്നുംപുറം ചിന്മയ സൂളിൽ ലഹരി വിരുദ്ധ ബോധവത്കരണ സെമിനാർ സംഘടിപ്പിക്കുന്നു. ഇന്ന് രാവിലെ 10.30ന് നടക്കുന്ന പരിപാടി റോട്ടറി ക്ലബ് അസിസ്റ്റന്റ് ഗവർണർ എം.പി.എച്ച്.എഫ് റോട്ടേറിയൻ ആർ.സുരേഷ് കുമാർ ഉദ്ഘാടനം ചെയ്യും.

പ്രസിഡന്റ് റൊട്ടേറിയൻ പ്രവീൺ അദ്ധ്യക്ഷനാകും. കേരളകൗമുദി സീനിയർ സർക്കുലേഷൻ മാനേജർ എസ്.സേതുനാഥ് ബോധപൗർണമി സന്ദേശം നൽകും. അമിറ്റി സെക്രട്ടറി അനീഷ,സോണൽ സെക്രട്ടറി റെജു സാം,സ്‌കൂൾ പ്രിൻസിപ്പൽ ബീന എൻ.ആർ,കേരളകൗമുദി അസിസ്റ്റന്റ് മാനേജർ (പി.എം.ഡി) കല എസ്.ഡി തുടങ്ങിയവർ പങ്കെടുക്കും.സബ് ഇൻസ്പെക്ടർ മുഹമ്മദ് ഷായുടെ നേതൃത്വത്തിൽ ജനമൈത്രി പൊലീസ് അവതരിപ്പിക്കുന്ന തീക്കളി എന്ന ബോധവത്കരണ നാടകവും അരങ്ങേറും.