തിരുവനന്തപുരം: കേരളകൗമുദി ബോധപൗർണമി ക്ലബ്ബും റോട്ടറി ക്ലബ് ഒഫ് ട്രിവാൻഡ്രം അമിനിറ്റിയും ജനമൈത്രി പൊലീസും സംയുക്തമായി പുളിമൂട് കുന്നുംപുറം ചിന്മയ സൂളിൽ സംഘടിപ്പിച്ച ലഹരി വിരുദ്ധ ബോധവത്കരണ സെമിനാർ റോട്ടറി ഡിസ്ട്രിക്ട് 3211 സോൺ 7 അസിസ്റ്റന്റ് ഗവർണർ റൊട്ടോറിയൻ എം.പി.എച്ച്.എഫ് ആർ.സുരേഷ് കുമാർ ഉദ്ഘാടനം ചെയ്തു. പ്രസിഡന്റ് റൊട്ടോറിയൻ പ്രവീൺ അദ്ധ്യക്ഷത വഹിച്ചു. കേരളകൗമുദി സീനിയർ സർക്കുലേഷൻ മാനേജർ എസ്.സേതുനാഥ് ബോധപൗർണ്ണമി സന്ദേശം നൽകി. പ്ലസ് വൺ വിദ്യാർത്ഥിനി റോഷ്നി ലഹരി വിരുദ്ധ സന്ദേശം നൽകി. അമിനിറ്റി സെക്രട്ടറി അനീഷ, സോണൽ സെക്രട്ടറി റെജു സാം, സ്‌കൂൾ പ്രിൻസിപ്പൽ ബീന.എൻ.ആർ, വൈസ് പ്രിൻസിപ്പൽ സ്മിത.എൽ.ആർ, കേരളകൗമുദി അസിസ്റ്റന്റ് മാനേജർ (പി.എം.ഡി) കല.എസ്.ഡി, നിത്യ രാജേഷ് തുടങ്ങിയവർ സംസാരിച്ചു. സബ് ഇൻസ്‌പെക്ടർ മുഹമ്മദ് ഷായുടെ നേതൃത്വത്തിൽ ജനമൈത്രി പൊലീസ് അവതരിപ്പിക്കുന്ന തീക്കളി എന്ന ബോധവത്കരണ നാടകവും അരങ്ങേറി.