കല്ലറ:ഒരു പഞ്ചായത്തിൽ ഒരു കളിക്കളം പദ്ധതി പ്രകാരം സർക്കാർ ഫണ്ടും എം.എൽ.എ ഫണ്ടും ഉപയോഗിച്ച് നവീകരിക്കുന്ന കല്ലറ തണ്ണിയം സ്റ്റേഡിയം നിർമ്മാണോദ്ഘാടനം ഇന്ന് വൈകിട്ട് 5 ന് മന്ത്രി വി.അബ്ദുറഹിമാൻ നിർവഹിക്കും.ഡി. കെ.മുരളി എം.എൽ.എ അദ്ധ്യക്ഷത വഹിക്കും.കല്ലറ പഞ്ചായത്ത് പ്രസിഡന്റ് ജി.ജെ.ലിസി സ്വാഗതം പറയും.അടൂർ പ്രകാശ് എം.പി മുഖ്യാതിഥി ആയിരിക്കും.ബ്ലോക്ക് പഞ്ചായത്ത് പ്രസിഡന്റ് ജി.കോമളം,ജില്ലാ പഞ്ചായത്ത് അംഗം ബിൻഷാ ബി ഷറഫ്,ബ്ലോക്ക് വൈസ് പ്രസിഡന്റ് എസ്.എം.റാസി തുടങ്ങി ത്രിതല പഞ്ചായത്ത് പ്രതിനിധികൾ പങ്കെടുക്കും.