മാനന്തവാടി : വിൽപ്പനക്കായി കൈവശം വെച്ച കഞ്ചാവുമായി യുവാവ് തിരുനെല്ലി പൊലീസിൽ പിടിയിലായി.
കോഴിക്കോട് നാലുവയൽ പുറക്കാട്ടേരി സ്വദേശി സജീർ (19)ആണ് പിടിയിലായത്. ഇന്നലെ രാവിലെ ബാവലി ചെക്ക്‌പോസ്റ്റിന് സമീപം നടത്തിയ പട്രോളിംഗിനിടെയാണ് ബൈക്കിൽ സഞ്ചരിക്കുകയായിരുന്ന സജീറിനെ പോലീസ് പിടികൂടിയത്. 720 ഗ്രാം കഞ്ചാവാണ് പിടിച്ചടുത്തത്. കറുത്ത പ്ലാസ്റ്റിക് കവറുകൾ സെല്ലോടോപ്പ് ഉപയോഗിച്ച് ഇരു കാലുകളുടെ തുടയിലും ഒട്ടിച്ചു വെച്ച നിലയിലായിരുന്നു കഞ്ചാവ്. എസ്.ഐ സജിമോൻ, എ.എസ്.ഐ മെർവിൻ ഡിക്രൂസ്, എസ്.സി.പി.ഒമാരയ ജയ്സൻ, സുഷാദ്, സി.പി.ഒ ഷിഹാബ് എന്നിവരാണ് പൊലീസ് സംഘത്തിലുണ്ടായിരുന്നത്.