അമ്പലപ്പുഴ: ദേശീയപാതയോരത്തെ സ്ലാബിൽ കിടന്ന വയോധികയെ ശാന്തി ഭവനിൽ എത്തിച്ചു. ദേശീയപാതയിൽ തൂക്കുകളം ഭാഗത്ത് സ്ലാബിൽ വയോധിക കിടക്കുന്ന വിവരം പ്രദേശവാസികൾ അറിയിച്ചതിനെ തുടർന്ന് ശാന്തി ഭവൻ ജീവനക്കാർ എത്തി ഭക്ഷണവും, കുടിവെള്ളവും നൽകി കൂട്ടിക്കൊണ്ടുപോവുകയായിരുന്നു. അമ്മുക്കുട്ടി എന്നാണ് പേര് പറയുന്നത്. 60 വയസ് പ്രായം തോന്നിക്കും. മനോനില തെറ്റിയ അവസ്ഥയിലാണ്. എന്തെങ്കിലും വിവരം ലഭിക്കുന്നവർ പുന്നപ്ര ശാന്തി ഭവനുമായി ബന്ധപ്പെടണമെന്ന് മാനേജിംഗ്‌ ട്രസ്റ്റി ബ്രദർ മാത്യു ആൽബിൻ അറിയിച്ചു. ഫോൺ നമ്പർ:9447403035