ചാരുംമൂട്: മാവേലിക്കര താലൂക്കിലെ ആദ്യകാല കമ്മ്യൂണിസ്റ്റും പൊതു പ്രവർത്തകനും തൊഴിലാളി നേതാവും മന്ത്രി പി.പ്രസാദിന്റെ പിതാവുമായ ജി.പരമേശ്വരൻ നായരുടെ (ജി.പി.നായർ) 11-ാമത് ചരമവാർഷിക ദിനാചരണവും പ്രതിഭകളെ ആദരിക്കലും നടന്നു. ജി.പി.നായർ ഫൗണ്ടേഷന്റെ നേതൃത്വത്തിൽ രൂപീകരിച്ച നൂറനാട് നവജീവൻ പെയിൻ ആൻഡ് പാലിയേറ്റീവ് കെയറിന്റെ ആഭിമുഖ്യത്തിൽ നടന്ന അനുസ്മരണ സമ്മേളനം മന്ത്രി കെ.ബി.ഗണേഷ് കുമാർ ഉദ്ഘാടനം ചെയ്തു. ഉന്നത വിജയം നേടിയ വിദ്യാർത്ഥികളെയും പ്രതിഭകളായ വ്യക്തികളെയും ചടങ്ങിൽ ആദരിച്ചു. ഫൗണ്ടേഷൻ പ്രസിഡന്റ് ആർ.രാജേഷ് അദ്ധ്യക്ഷനായിരുന്നു. സി.പി.ഐ ജില്ലാ സെക്രട്ടറി ടി.ജെ. ആഞ്ചലോസ് മുഖ്യപ്രഭാഷണം നടത്തി. സി.പി.ഐ സംസ്ഥാന കമ്മിറ്റിയംഗം കെ.ചന്ദ്രനുണ്ണിത്താൻ, അസി.സെക്രട്ടറി അഡ്വ.എസ്.സോളമൻ, ജില്ലാ സെക്രട്ടറിയേറ്റംഗം അഡ്വ.സി.എ.അരുൺ കുമാർ,സ്കൂൾ മാനേജർ ജയശ്രീ തമ്പി, എം.മുഹമ്മദാലി, നൗഷാദ് എ.അസീസ്, ആർ.ഉത്തമൻ , പി.എസ്.മിഴ്സാ സലീം, പി.ആർ.കൃഷ്ണൻ നായർ, ജെ.സജീവ്, എസ്.അരുൺ, എം.ജി.ശരത്ചന്ദ്രൻ, കെ. കൃഷ്ണൻകുട്ടി, കെ.ജി. സദാശിവൻ,ഗോപാലകൃഷ്ണൻ നായർ, പി.തുളസീധരൻ,ആർ. സുജ, കെ.അജയഘോഷ്, അമ്പിളി സതീഷ്, കെ.ശിവരാമൻ, രാജേഷ് തുടങ്ങിയവർ സംസാരിച്ചു.