പരിശീലനം എസ്.ഡി കോളേജ് ഗ്രൗണ്ടിൽ

ആലപ്പുഴ: കേരള ക്രിക്കറ്റ് അസോസിയേഷൻ സംഘടിപ്പിക്കുന്ന പ്രഥമ കേരള ക്രിക്കറ്റ് ലീഗിൽ കസറാൻ മികച്ച കളിക്കാരെ സ്വന്തമാക്കി ആലപ്പുഴയുടെ സ്വന്തം ടീമായ ആലപ്പി റിപ്പിൾസ്. കഴിഞ്ഞദിവസം നടന്ന ലേലത്തിൽ, പരിചയസമ്പത്തിനും യുവത്വത്തിനും ഒരുപോലെ പ്രാധാന്യം നൽകിയാണ് കളിക്കാരെ ആലപ്പി റിപ്പിൾസ് സ്വന്തമാക്കിയത്.

ഐ.പി.എൽ താരമായ മുഹമ്മദ് അസ്ഹറുദ്ദിനാണ് ഐക്കൺ താരം. രഞ്ജി ട്രോഫി താരങ്ങളായ ഓൾ റൗണ്ടർ അക്ഷയ് ചന്ദ്രൻ, ഓപ്പണർ കൃഷ്ണപ്രസാദ്, ഓൾ റൗണ്ടർ വിനൂപ് മനോഹരൻ എന്നിവരേയും ലേലത്തിൽ സ്വന്തമാക്കി. ടീമിന്റെ പരിശീലനം ഹോം ഗ്രൗണ്ടായ ആലപ്പുഴ എസ്. ഡി കോളേജ് ഗ്രൗണ്ടിൽ ഈ ആഴ്ച അവസാനത്തോടെ ആരംഭിക്കും. ആഭ്യന്തര ലീഗുകളിൽ മികച്ച പരിചയസമ്പത്തുള്ള ഫനൂസ് ഫൈസ്, വിശ്വേശ്വർ സുരേഷ്, വൈശാഖ് ചന്ദ്രൻ എന്നിവരും അനന്ദ് ജോസഫ്, രോഹൻ നായർ, നീൽസണ്ണി, അക്ഷയ് ടി.കെ, ആസിഫ് അലി, ആൽഫി ഫ്രാൻസിസ് ജോൺ, കിരൺ സാഗർ, വിഘ്നേഷ് പുത്തൂർ, പ്രസൂൺ.പി, ഉജ്ജ്വൽ കൃഷ്ണ, അക്ഷയ് ശിവ്, അഫ്രാദ് റിഷബ്, അതുൽ സൗരി എന്നിവരാണ് റിപ്പിൾസ് ടീമിലെ മറ്റ് അംഗങ്ങൾ. മുൻ ഐ.പി.എൽ ഫാസ്റ്റ് ബൗളർ പ്രശാന്ത് പരമേശ്വരനാണ് ആലപ്പി റിപ്പിൾസിന്റെ ഹെഡ് കോച്ച്.

ഗൾഫ് വ്യവസായി ടി.എസ്.കലാധരന്റെ നേതൃത്വത്തിലുള്ള കൺസോൾ ഷിപ്പിംഗ് സർവീസസിന് പുറമേ റാഫേൽ തോമസ്, ഷൈബു മാത്യു, ജിബിത് ജോയ്, നിജി ഇസ്മയിൽ എന്നിവരാണ് ടീമിന്റെ ഉടമസ്ഥർ

"മികച്ച കളിക്കാരെയാണ് ടീം സ്വന്തമാക്കിയത്. വ്യക്തമായ ആസൂത്രണത്തോടെ സമീപിച്ചതിനാൽ ലേലത്തിൽ കളിക്കാരെ തിരഞ്ഞെടുക്കുന്നത് എളുപ്പമായിരുന്നു

-ടി.എസ്.കലാധരൻ, ടീം ഉടമ