അമ്പലപ്പുഴ: അമ്പലപ്പുഴ വടക്ക് പഞ്ചായത്തിന്റെ അധീനതയിലുള്ള എട്ടാം വാർഡിലെ കെ. വിജയൻ സാംസ്കാരിക വായനശാലയുടെ വടക്കുവശത്തെ മതിൽ വെള്ളിയാഴ്ച്ച ഇടിഞ്ഞു വീണു. രാത്രിയിലായതിനാൽ അപകടം ഒഴിവായി . സമീപത്തെ ഇടവഴിയിലേക്കാണ് മതിൽ ഇടിഞ്ഞു വീണത്. വായനശാലയിലേക്ക് കടക്കാൻ പറ്റാതെ മതിൽ വീണതിനാൽ ഇന്നലെ വായനശാല തുറന്നില്ല. സമീപത്തെ എൽ.പി.സ്കൂളിലെ വിദ്യാർത്ഥികൾ പതി​വായി​ സഞ്ചരി​ക്കുന്ന വഴിയാണിത്.നിരവധി പേർ പത്രം വായിക്കാനും ഇവിടെ എത്താറുണ്ട്. വളരെ നാളായി മതിൽ അപകടാസ്ഥയിലാണെന്ന് അമ്പലപ്പുഴ വടക്ക് പഞ്ചായത്തിൽ രേഖാമൂലം അറിയിച്ചിട്ടും നടപടി സ്വീകരിച്ചില്ലെനാണ് നാട്ടുകാർ പറയുന്നത്.