ഹരിപ്പാട്: ടിപ്പർ ലോറിയും ബൈക്കും കൂട്ടിയിടിച്ച് വിദ്യാർത്ഥിക്ക് ദാരുണാന്ത്യം. എടത്വാ നെടുവംമാലിൽ എം.സി ഭവനിൽ ദേവരാജന്റെ ഏകമകൻ ദീപുവാണ് (21) മരിച്ചത്. ഇന്നലെ ഉച്ചയ്ക്ക് 12ന് വീയപുരം ഹൈസ്കൂളിന് സമീപത്തായി​രുന്നു അപകടം. മാതാവ് സിന്ധുവിന്റെ കുടുംബ വീടായ ഹരിപ്പാട്ട് പോയി ബൈക്കി​ൽ മടങ്ങി വരുന്നതിനിടെ ടി​പ്പർ ലോറി​ ഇടി​ക്കുകയായി​രുന്നു. കൈ അറ്റു പോയ ദീപുവിനെ ഓടിക്കൂടിയ നാട്ടുകാർ ഹരിപ്പാട് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീയപുരം പൊലീസ് മേൽ നടപടി സ്വീകരിച്ചു.