അമ്പലപ്പുഴ: എസ്.എൻ.ഡി.പി യോഗം കരുമാടി 13 - നമ്പർ ശാഖയിൽ ചതയ ദിനാചരണത്തോട് അനുബന്ധിച്ച് പ്രാർത്ഥനാലയത്തിന്റെ ഉദ്ഘാടനം നടത്തി. ശാഖാപ്രസിഡന്റ് കെ.സുരേന്ദ്രൻ ഉദ്ഘാടനം ചെയ്തു. ഗുരുപൂജ,​ പ്രസാമൂട്ട്,​ ഗുരുദേവ പ്രഭാഷണം എന്നിവയും നടന്നു. ഉന്നത വിജയം കരസ്ഥമാക്കിയ ശാഖ അംഗങ്ങളുടെ മക്കൾക്ക് ഉപഹാരവും ക്യാഷ് അവാർഡും വിതരണം ചെയ്തു. സെക്രട്ടറി മുരളി,​ കമ്മിറ്റി അംഗങ്ങളായ സുരേഷ്, ബേബി, വിശ്വനാഥൻ,​ ആമയിട സതീശൻ തുടങ്ങിയവർ സംസാരിച്ചു.