ഒരാൾക്ക് പരിക്ക്

അമ്പലപ്പുഴ: അമ്പലപ്പുഴ വടക്കു പഞ്ചായത്ത് 13, 14 വാർഡുകളിൽ രണ്ടു ദിവസമായി തുടരുന്ന കടൽക്ഷോഭം ഇന്നലെ വൈകിട്ടോടെ ശക്തമായി. കൂറ്റൻ തിരമാലകൾ ഇരച്ചുകയറി 3 വീടുകൾ തകർന്നു. 10 ഓളം വീടുകൾ തകർച്ചാഭീഷണിയിലാണ്. അമ്പലപ്പുഴ വടക്കു പഞ്ചായത്ത് പതിനാലാം വാർഡ് കാക്കാഴം പുതുവലിൽ അശോകൻ, സുരേന്ദ്രൻ, ദിവാകരൻ എന്നിവരുടെ വീടുകളാണ് കടൽ എടുത്തത്.ദിവാകരന്റെ വീട് തകർന്ന് വീണ് മകൾ കവിതയ്ക്ക് (46) തലക്ക് പരിക്കേറ്റു. മേൽക്കൂരയിലെ തടികൾ വീണാണ് പരിക്കേറ്റത്.ഇവരെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. രാജേഷ്, കവിത, രത്‌നാകരൻ, സനീഷ്, സനൽകുമാർ തുടങ്ങിയ 10 ഓളം കുടുംബങ്ങൾ വീടുകളുടെ തകർച്ചാഭീഷണി നേരിടുകയാണ്. 4 മാസം മുമ്പും കള്ളക്കടൽ പ്രതിഭാസത്തിൽ 2 വീടുകൾ തകർന്നിരുന്നു.