ചേർത്തല: സെന്റ് മൈക്കിൾസ് കോളേജ് 1990–93 കാലയളവിലെ ബി.എ ഇക്കണോമിക്സ് ബാച്ചിന്റെ വിദ്യാർത്ഥി സംഗമവും അദ്ധ്യാപകരെ ആദരിക്കലും സ്മൃതിമധുരം 2024 സതീർത്ഥ്യസംഗമം ഗാനരചയിതാവ് രാജീവ് ആലുങ്കൽ ഉദ്ഘാടനം ചെയ്തു. കോളേജിൽ നടന്ന ചടങ്ങിൽ പ്രസിഡന്റ് എ.സുരേഷ് അദ്ധ്യക്ഷത വഹിച്ചു.കോളേജ് മാനേജരായിരുന്ന ഫാ.മാത്യൂ നൊറോണ,അദ്ധ്യാപകരായ പോൾ പ്രസാദ്,സുശീല മാർഷൽ,ജോസഫ് മാത്തൻ,പി.വി.നിർമ്മല,വി.എ.മേരിക്കുട്ടി,ജോൺ ജോസഫ്,ഡൊമനിക് പഴമ്പാശേരി,സെക്രട്ടറി ഹർഷൻ ചേനപറമ്പിൽ,ട്രഷറർ വി.വൈ.അൻസാരി,എക്സിക്യൂട്ടീവ് കമ്മിറ്റി അംഗം നിക്സൺ മാത്യു എന്നിവർ സംസാരിച്ചു. തുടർന്ന് ആദരിക്കലും സൗഹൃദസദസും കലാപരിപാടികളും നടന്നു. 31 വർഷങ്ങൾക്ക് ശേഷം ആദ്യമായാണ് ബാച്ചിലെ 52 പേരും ഒത്തുചേരുന്നത്.