ആലപ്പുഴ: പ്രാഥമിക ചികിത്സയ്ക്കും രോഗ പ്രതിരോധത്തിനും അടിസ്ഥാന ആരോഗ്യ സംരക്ഷണത്തിനും നഗരത്തിൽ കൂടുതൽ സൗകര്യങ്ങൾ ഒരുക്കുന്നതിന്റെ ഭാഗമായി പവർഹൗസ് വാർഡിൽ നഗരസഭ ആരംഭിച്ച നഗര ജനകീയ ആരോഗ്യ കേന്ദ്രം പി.പി.ചിത്തരഞ്ജൻ ഉദ്ഘാടനം ചെയ്തു. നഗരസഭാദ്ധ്യക്ഷ കെ.കെ.ജയമ്മ അദ്ധ്യക്ഷത വഹിച്ചു. ക്ലിനിക്കിൽ ഒരു ഡോക്ടർ, സ്റ്റാഫ് നേഴ്‌സ്, സപ്പോർട്ടിംഗ് സ്റ്റാഫ്, ഫാർമസിസ്റ്റ്, ആരോഗ്യ പ്രവർത്തകർ, ആശാവർക്കർ, എന്നിവരെയാണ് പ്രാഥമിക ഘട്ടത്തിൽ സജ്ജീകരിച്ചിട്ടുള്ളത്. സ്ഥിരം സമിതി അദ്ധ്യക്ഷരായ എ.എസ്.കവിത, എം.ആർ.പ്രേം, നസീർ പുന്നക്കൽ, കക്ഷിനേതാക്കളായ കൗൺസിലർമാരായ സലിം മുല്ലാത്ത്, പി.റഹിയാനത്ത്, ലിൻഡ ഫ്രാൻസിസ്, എ.ഷാനവാസ്, ബി.നസീർ, ആർ.രമേഷ്, സിമിഷാഫിഖാൻ, മോനിഷശ്യാം, ജ്യോതി പ്രകാശ്, ഡോ.ശ്യാമ, ഡോ.അഹന മറിയം അലക്‌സ്, എൻ.എച്ച്.എം ജില്ലാ കോർഡിനേറ്റർ പ്രവീണ പവിത്രൻ, ഹെൽത്ത് ഇൻസ്‌പെക്ടർമാരായ ജയകൃഷ്ണൺ, ലാറ, ജിഷ, പ്രവീൺ, പൊതുപ്രവർത്തകരായ കെ.ജെ.പ്രവീൺ, കൈലാസ്, തുടങ്ങിയവർ സംസാരിച്ചു. പവർഹൗസ് വാർഡിൽ എസ്.എസ്.എൽ.സി പരീക്ഷയിൽ ഉന്നത വിജയം നേടിയ വിദ്യാർത്ഥികളേയും ചടങ്ങിൽ അനുമോദിച്ചു. നഗരസഭ ഉപാദ്ധ്യക്ഷൻ പി.എസ്.എം.ഹുസൈൻ സ്വാഗതവും വാർഡ് കൗൺസിലർ ഹെലൻ ഫെർണാണ്ടസ് നന്ദിയും പറഞ്ഞു.
.................
# ജീവിതശൈലി രോഗ നിർണയം
മൈഥിലി ജംഗ്ഷനു സമീപം പ്രവർത്തനം ആരംഭിച്ച നഗര ആരോഗ്യ കേന്ദ്രത്തിൽ ജനറൽ ഒ.പി, ലബോറട്ടറി, ജീവിതശൈലി രോഗ നിർണയം, ഗർഭിണികളുടെയും, കുട്ടികളുടെയും ആരോഗ്യ പരിചരണം എന്നീ ക്ലിനിക്കൽ സേവനങ്ങൾ കൂടാതെ രോഗവിവരത്തിന്റെ അടിസ്ഥാനത്തിൽ സ്‌പെഷ്യലൈസ്ഡ് ഡോക്ടറുമായി ടെലി കമ്മ്യൂണിക്കേഷൻ സൗകര്യം, ഗുരുതര രോഗങ്ങൾ മുൻകൂട്ടി കണ്ടുപിടിച്ച് തുടർ ചികിത്സാ നിർദ്ദേശങ്ങളും, റഫറൽ സേവനങ്ങളും സജ്ജീകരിച്ചിട്ടുണ്ട്. ഗർഭകാല പരിചരണം സുഗമമായി നടപ്പാക്കാൻ ഗവ. ആവിഷ്‌കരിച്ചിട്ടുള്ള വിവിധ സേവനങ്ങൾ ആരോഗ്യ കേന്ദ്രങ്ങളിലൂടെ ലഭ്യമാക്കും. ഉച്ചക്ക് 1 മുതൽ 7 വരെയാണ് ഒ.പി സമയം.