അമ്പലപ്പുഴ: യുവാവിനെ കുത്തി പരിക്കേൽപ്പിച്ച കേസിൽ പ്രതി പിടിയിൽ.പുന്നപ്ര തെക്കു പഞ്ചായത്ത് മൂന്നാം വാർഡ് കാട്ടുങ്കൽ വീട്ടിൽ ഉദയകുമാറിന്റെ മകൻ ശ്രീനാഥ് (25) നെ ആണ് പുന്നപ്ര പൊലീസ് കസ്റ്റഡിയിൽ എടുത്തത്. കഴിഞ്ഞ 18 ന് ആണ് സംഭവം നടന്നത്.പുന്നപ്ര തെക്ക് പഞ്ചായത്ത് വിയാനി കറുകപറമ്പു വീട്ടിൽ ജയിംസിനെ (45) കപ്പക്കട ഭാഗത്തുവച്ച് കത്തി കൊണ്ട് കുത്തി പരിക്കേൽപ്പിച്ച കേസിലാണ് അറസ്റ്റ്. പുന്നപ്ര എസ്.എച്ച്.ഒ സെപ്റ്റോ ജോൺ, എസ്.ഐ സിദ്ദിഖ് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.