മുഹമ്മ: മുഹമ്മ പുല്ലമ്പാറയിൽ വിഷ രഹിത പച്ചക്കറി കൃഷിയുടെ നടീൽ ഉദ്ഘാടനം സി.ഐ ലൈസാദ് മുഹമ്മദ് പച്ചക്കറിതൈ നട്ട് നിർവഹിച്ചു. ജനങ്ങളുടെ ഐ.ടി ബിസിനസിലെ തിരക്കുകൾക്കിടയിലും ജൈവകൃഷിയുടെ പ്രോത്സാഹനത്തിന് മുൻകൈ എടുക്കുന്ന ശ്രീജിത്ത് സുകുമാരൻ പുല്ലമ്പാറയേയും ഭാര്യ റിനി ശ്രീജിത്തിനേയും അദ്ദേഹം അഭിനന്ദിച്ചു. പാവൽ ,വെള്ളരി എന്നിവയുടെ വിളവെടുപ്പ് ഉദ്ഘാടനവും നടത്തി. ശ്രീജിത്ത് പുല്ലംമ്പാറ , ഭാര്യ റെനി ശ്രീജിത്ത് , പഞ്ചായത്തംഗം ലതീഷ് ബി.ചന്ദ്രൻ , കൃഷി ഓഫീസർ പി.എം. കൃഷ്ണ, എന്നിവർ സംസാരിച്ചു. പ്രവീണ സാജനാണ് കൃഷിയുടെ മേൽനോട്ടം. സി.ബി.എസ്.സി പരീക്ഷയിൽ ഉയർന്ന മാർക്ക് വാങ്ങിയ നിഷാന്തിനെ ഉപഹാരം നൽകി കൃഷി ഓഫീസർ പി.എം.കൃഷ്ണ അനുമോദിച്ചു. കർഷകൻ സെൽവരാജ് പൊന്നാട അണിയിച്ചു.