ആലപ്പുഴ: ഹേമ കമ്മിറ്റി ൻ റിപ്പോർട്ടിന്റെ അടിസ്ഥാനത്തിൽ, കുറ്റക്കാരായ മുഴുവൻ ആളുകളെയും മാതൃകാപരമായി ശിക്ഷിക്കാൻ സർക്കാർ തയ്യാറാകണമെന്ന് മുസ്ലിംലീഗ് ദക്ഷിണ മേഖല ലീഡേഴ്സ് മീറ്റ് ആവശ്യപ്പെട്ടു. സാംസ്‌കാരിക കേരളത്തിൽ അപമാനകരമായ നടപടിയാണ് ഉണ്ടായിരിക്കുന്നത്. സർക്കാരിന് വേണ്ടപ്പെട്ടവരെ സംക്ഷിക്കാനുള്ള നീക്കമാണ് അണിയറയിൽ നടക്കുന്നത്. സർക്കാരിന്റെ ഇടപെടലിൽ ജനങ്ങൾക്ക് സംശയമുണ്ട്. സ്വന്തക്കാരായ ആളുകളെ രക്ഷിക്കാനാണ് കമ്മീഷൻ റിപ്പോർട്ട് പുറത്ത് വിടാതിരുന്നത്. മന്ത്രിസഭയിലും നിയമസഭയിലുമുള്ള ഇടത് സഹയാത്രികരെ രക്ഷിക്കാനാണ് സർക്കാർ ശ്രമിക്കുന്നത്. അടിയന്തിര നടപടിയുണ്ടായില്ലെങ്കിൽ ശക്തമായ പ്രതിഷേധം കേരളത്തിൽ അലയടിക്കുമെന്നും യോഗം വിലയിരുത്തി.