മാവേലക്കര: ഇന്ത്യൻ ഭരണഘടന തന്നെ മാറ്റി മറിക്കുന്നതിനു മുന്നോടിയായി ഇന്ത്യയിൽ നിലവിലുണ്ടായിരുന്ന നിയമങ്ങളായ ഇന്ത്യൻ പീനൽ കോഡ്, സി.ആർ.പി.സി, ഇന്ത്യൻ എവിഡൻസ് ആക്ട് എന്നിവ ഇല്ലാതാക്കി ഭാരതീയ ന്യായ സംഹിത, ഭാരതീയ നാഗരിക് സുരക്ഷ സംഹിത, ഭാരതീയ സാക്ഷ്യബില്ല് എന്നിവ കൊണ്ടുവന്നിരിക്കുന്ന ഭരണകൂടം ഭാരതീയ മനുസ്മൃതിയെ നിയമാക്കുന്നത് അനതിവിദൂര ഭാവിയിൽ നമുക്ക് കാണേണ്ടിവരുമെന്ന് കേരള പുലയൻ മഹാസഭ സംസ്ഥാന ട്രഷറാർ അഡ്വ.ടി.സി.പ്രസന്ന പറഞ്ഞു. കേരള പുലയൻ മഹാസഭ മാവേലിക്കര താലൂക്ക് കമ്മറ്റിയുടെ നേതൃത്വത്തിൽ ചെങ്ങന്നൂർ, കാർത്തികപ്പള്ളി താലൂക്ക് കമ്മറ്റികളെ ഉൾപ്പെടുത്തി നടത്തിയ മഹാത്മ അയ്യൻകാളി 161ാമത് ജന്മദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു. താലൂക്ക് പ്രസിഡന്റ് അനീഷ് ഗോപാലകൃഷ്ണൻ അധ്യക്ഷനായി. തണ്ടാൻ മഹാസഭ സംസ്ഥാന കമ്മറ്റി അംഗം വിജയൻ മുഖ്യപ്രഭാഷണം നടത്തി. താലൂക്ക് സെക്രട്ടറി അനീഷ.എസ്, പി.കെ.തമ്പി, വിജൻ മഞ്ഞാടിത്തറ, പി.കെ.ഗോപിനാഥൻ, ചന്ദ്രശേഖരൻ, രതീഷ്.ആർ, സന്ധ്യതമ്പി, ഗോപാലകൃഷ്ണൻ, സന്തോഷ് പാണ്ടവൻപാറ, സുജ രാജേഷ്, സുജ ജ്യോതിദാസ്, സജു പ്രായിക്കര എന്നിവർ സംസാരിച്ചു.