ആർകിടെക്ച്ചർ ബിരുദ പ്രോഗ്രാമായ ബി. ആർക്കിന് പ്രവേശനം നേടാനാഗ്രഹിക്കുന്ന വിദ്യാർത്ഥികൾക്കായി കൗൺസിൽ ഒഫ് ആർകിടെക്ച്ചർ 10, 24 തീയതികളിൽ നാഷണൽ ആപ്റ്റിറ്റ്യൂഡ് ടെസ്റ്റ് ഇൻ ആർകിടെക്ച്ചർ -NATA 2024 പരീക്ഷ വീണ്ടും നടത്തുന്നു. ഇപ്പോൾ രജിസ്റ്റർ ചെയ്യാം. ഒഴിവുള്ള സീറ്റുകളിൽ ഈ വർഷം പ്രവേശനം നേടാം. www.nata.in.
പ്രഗതി സ്‌കോളർഷിപ്
എൻജിനിയറിംഗിനും ഡിപ്ലോമയ്ക്കും പഠിക്കുന്ന പെൺകുട്ടികൾക്ക് വർഷത്തിൽ 50000 രൂപ വീതം നാലു വർഷത്തേക്ക് എ.ഐ.സി.ടി.ഇ പ്രഗതി സ്‌കോളർഷിപ് നൽകുന്നു. പരമാവധി ഒരു വിദ്യാർത്ഥിനിക്ക് രണ്ടു ലക്ഷം രൂപ വരെയാണ് സ്‌കോളർഷിപ്. എട്ടു ലക്ഷം രൂപ വരെ കുടുംബ വാർഷിക വരുമാനമുള്ളവർക്ക് അപേക്ഷിക്കാം. www.aicte-india.org.
പോസ്റ്റ് ഡിപ്ലോമ ഇൻ ഇൻഡസ്ട്രിയൽ സേഫ്റ്റി
ഗുജറാത്ത് ഇൻസ്റ്റിറ്റ്യൂട്ട് ഒഫ് ഇൻഡസ്ട്രിയൽ മാനേജ്മന്റ് പോസ്റ്റ് ഡിപ്ലോമ ഇൻ ഇൻഡസ്ട്രിയൽ സേഫ്റ്റി പ്രോഗ്രാമിന് അപേക്ഷ ക്ഷണിച്ചു, വിദേശത്തും ഇന്ത്യയിലും വ്യവസായ മേഖലയിൽ തൊഴിൽ സാധ്യതയുള്ള പ്രോഗ്രാമാണിത്. ബി.ടെക്, എം.ടെക്, എം.എസ്‌സി, ബി.എസ്‌സി ബിരുദധാരികൾക്ക് അപേക്ഷിക്കാം. www.gidm.gov.in.
നെതർലാൻഡ്സിൽ ഉപരിപഠനത്തിന് സാദ്ധ്യതയേറുന്നു
നിരവധി ഏഷ്യൻ രാജ്യങ്ങളിൽ നിന്നുള്ള വിദ്യാർത്ഥികൾ ഉപരിപഠനത്തിനായി നെതർലൻഡ്‌സ് തിരഞ്ഞെടുത്തുവരുന്നു. അമേരിക്ക, യു.കെ രാജ്യങ്ങളെ അപേക്ഷിച്ച് ഫീസ് കുറവായത് കൂടുതൽ വിദ്യാർത്ഥികളെ ആകർഷിക്കുന്നുണ്ട്. യൂണിവേഴ്‌സിറ്റി റാങ്കിംഗിൽ ആദ്യത്തെ 250 സർവലാശാലകളിൽ 13 എണ്ണം നെതർലാൻഡ്സിൽ നിന്നുള്ളവയാണ്. നിരവധി സ്വകാര്യ സർവകലാശാലകളുമുണ്ട്. അടുത്ത അക്കാഡമിക് വർഷത്തിൽ ആരംഭിക്കുന്ന കോഴ്‌സുകളുടെ അഡ്മിഷൻ ഈ വർഷം ഒക്ടോബറിൽ ആരംഭിക്കും. പ്രതിവർഷം 9000 മുതൽ 15,000 യൂറോ വരെ ഫീസിനത്തിൽ നൽകേണ്ടിവരും.
ഗൂഗിൾ പി എച്ച്‌.ഡി ഫെലോഷിപ് പ്രോഗ്രാം
ഗൂഗിൾ പി എച്ച്‌.ഡി ഫെലോഷിപ് പ്രോഗ്രാമിന് ഗൂഗിൾ റിസർച്ച് അപേക്ഷ ക്ഷണിച്ചു. കമ്പ്യൂട്ടർ സയൻസ്, അനുബന്ധ വിഷയങ്ങളിൽ ഇന്ത്യയിലെ അംഗീകൃത സർവകലാശാലകളിൽ ഡോക്ടറൽ പ്രോഗ്രാമിന് എൻറോൾ ചെയ്ത വിദ്യാർത്ഥികൾക്ക് ഓൺലൈനായി അപേക്ഷിക്കാം. പ്രതിവർഷം 50000 ഡോളർ എന്ന തോതിൽ നാലു വർഷത്തേക്ക് ഫെലോഷിപ്പ് ലഭിക്കും.
എം.എസ്‌സി @ ബാത്ത് യൂണിവേഴ്‌സിറ്റി
യു.കെയിലെ യൂണിവേഴ്‌സിറ്റി ഒഫ് ബാത്ത് മോളിക്യൂലാർ ബയോസയൻസിൽ എം.എസ്‌സി പ്രോഗ്രാമിന് അപേക്ഷിക്കാം. ബയോടെക്‌നോളജി, ഹെൽത്ത് കെയർ ടെക്‌നോളജി, സസ്റ്റെയ്നബിൾ ബയോടെക്‌നോളജി, ഓൺട്രപ്രെന്യൂർഷിപ് എന്നിവയിൽ എം.എസ്‌സി പ്രോഗ്രാമുകളുണ്ട്. www.bath.ac.