മൂവാറ്റുപുഴ: യൂത്ത് ലീഗ് ദിനാചരണത്തിന്റെ ഭാഗമായി മുസ്ലിം യൂത്ത് ലീഗ് മൂവാറ്റുപുഴ മണ്ഡലം കമ്മിറ്റിയുടെ നേതൃത്വത്തിൽ കിഴക്കേക്കര മുനിസിപ്പൽ പി.എച്ച്.സി കോമ്പൗണ്ടിൽ ചായമേശ പരിപാടി സംഘടിപ്പിച്ചു. ചികിത്സയ്ക്കായി എത്തിയ രോഗികൾക്കും കൂട്ടിരിപ്പുകാർക്കും ചായയും ലഘു ഭക്ഷണവും വിതരണം ചെയ്തു. മുസ്ലിം ലീഗ് സംസ്ഥാന സെക്രട്ടറിയേറ്റ് മെമ്പർ കെ.എം. അബ്ദുൽ മജീദ് ഉദ്ഘാടനം ചെയ്തു. യൂത്ത് ലീഗ് മണ്ഡലം പ്രസിഡന്റ് പി.എ. ആരിഫ് അദ്ധ്യക്ഷനായി. ജനറൽ സെക്രട്ടറി കെ.എസ്. സുലൈമാൻ, കെ.എം. അബ്ദുൽ കരീം, പി.എം. അബ്ദുൽസലാം, ലൈലാ ഹനീഫ, ഡോ. അന്നാ പോൾ, പി.യു. അൻസില തുടങ്ങിയവർ സംസാരിച്ചു.