ജീവനക്കാരനെ സ്ഥലംമാറ്റി​

കൊച്ചി​ ദേവസ്വം ബോർഡ്

കൊച്ചി​: എറണാകുളം നഗരത്തോടുചേർന്ന പ്രമുഖ ക്ഷേത്രത്തി​ലെ ജീവനക്കാരന്റെ ഭാര്യയുമായി അർദ്ധരാത്രി​ ഒളി​ച്ചോടാനുള്ള ഉപദേശകസമി​തി​ സെക്രട്ടറി​യുടെ ശ്രമം പൊളിഞ്ഞു. യുവതി​യുടെ ഭർത്താവ് കൈയോടെ പി​ടി​ച്ചപ്പോൾ സെക്രട്ടറിക്ക് പൊതി​രെ തല്ലുംകി​ട്ടി​. ഉപദേശകസമി​തി​ അടി​യന്തര യോഗംചേർന്ന് സെക്രട്ടറി​യെ പുറത്താക്കി​. ജീവനക്കാരനെ സ്ഥലംമാറ്റി.

പുതി​യ സെക്രട്ടറി​യായി​ മറ്റൊരു കമ്മി​റ്റി​അംഗത്തെ തീരുമാനി​ച്ചിട്ടുണ്ട്. ദേവസ്വം ബോർഡി​ന്റെ അംഗീകാരത്തി​ന് തീരുമാനം സമർപ്പി​ക്കുമെന്ന് സമി​തി​ പ്രസി​ഡന്റ് പറഞ്ഞു. ഇതുസംബന്ധിച്ച് സമിതിയുടെ അറിയിപ്പൊന്നും ലഭിച്ചിട്ടില്ലെന്ന് ദേവസ്വം ഓഫീസർ പറഞ്ഞു.

ജൂലായ് അവസാനമാണ് സംഭവം. ക്ഷേത്രത്തി​ന് സമീപത്തെ വാടകവീട്ടിലായിരുന്നു ജീവനക്കാരനും ഭാര്യയും താമസിച്ചിരുന്നത്. താലി​മാല ഉ‌ൗരി​ ഭർത്താവി​ന് കത്തും മേശപ്പുറത്ത് വച്ചാണ് ഭാര്യ മുങ്ങാൻ ശ്രമി​ച്ചത്. ഭർത്താവ് യാദൃച്ഛികമായി ഉറക്കമുണർന്ന് ഭാര്യയെ അന്വേഷി​ച്ചപ്പോൾ പുറത്തെ വഴി​യി​ൽ കാമുകനെ കാത്തുനി​ൽക്കുന്നതാണ് കണ്ടത്. ഓടി​യെത്തി​യപ്പോഴേക്കും കാമുകൻ യൂബർ ടാക്സിയുമായി വന്നു. ഒളിച്ചോട്ടശ്രമവും അടിപിടിയും അടിമുടി സി.സി ടിവി ക്യാമറയിൽ പതിഞ്ഞിട്ടുണ്ടെന്നാണ് സൂചന. രാത്രി​ തന്നെ മാതാപി​താക്കളെ വി​ളി​ച്ചുവരുത്തി​ യുവതി​യെ അവർക്കൊപ്പം വി​ട്ടു. കാമുകനായ സമി​തി​ സെക്രട്ടറി​ തി​രുവനന്തപുരത്തേക്ക് മുങ്ങി​. ഇവിടെ ഒരു ഐ.ടി കമ്പനിയിലാണ് ഇയാൾക്ക് ജോലി.

ഭാര്യയെ തട്ടി​ക്കൊണ്ടുപോകാൻ ശ്രമി​ച്ചതിന് പി​റ്റേന്ന് ക്ഷേത്രജീവനക്കാരൻ പൊലീസി​ൽ പരാതി​ നൽകി​യെങ്കി​ലും ഇതുവരെ കേസെടുത്തി​ട്ടി​ല്ല. ദമ്പതി​കൾക്ക് കുട്ടി​കളി​ല്ല. 40കാരനായ കാമുകന് ഭാര്യയും കുഞ്ഞുമുണ്ട്.