പെരുമ്പാവൂർ: എസ്.എൻ.ഡി.പി. യോഗം കുന്നത്തുനാട് യൂണിയൻ ഞായറാഴ്ച പെരുമ്പാവൂർ അപ്പൂസ് ഓഡിറ്റോറിയത്തിൽ മെറിറ്റ് ഡേ 2024 സംഘടിപ്പിക്കുന്നു. രാവിലെ 9ന് യൂണിയൻ അഡ്മിനിസ്ട്രേറ്റീവ് കമ്മിറ്റി ചെയർമാൻ കെ.കെ. കർണന്റെ അദ്ധ്യക്ഷതയിൽ നടക്കുന്ന സമ്മേളനം യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും. വിദ്യാഭ്യാസ അവാർഡ് ദാനവും അദ്ദേഹം നിർവഹിക്കും യൂണിയൻ അഡ്മിനിസ്ട്രേറ്റീവ് കൺവീനർ കെ.എ. ഉണ്ണിക്കൃഷ്ണൻ ശ്രീനാരായണ ഗുരുകുലം ചാരിറ്റബിൾ ട്രസ്റ്റ് സെക്രട്ടറി ഡോ. ആർ. അനിലൻ,​ യൂണിയൻ അഡ്മിനിസ്ട്രേറ്റീവ് അംഗങ്ങളായ ടി.എൻ. സദാശിവൻ,​ കെ.കെ. അനിൽ, ജയൻ പാറപ്പുറം, സുനിൽ പാലിശേരി, ബിജു വിശ്വനാഥൻ, വിപിൻ കോട്ടക്കുടി, യൂത്ത്മൂവ്മെന്റ് യൂണിയൻ സമിതി ചെയർമാൻ അഡ്വ. ആനന്ദ് ഓമനക്കുട്ടൻ, കൺവീനർ പി.എസ്. മഹേഷ്, വനിതാ സംഘം യൂണിയൻ സമിതി ചെയർപേഴ്സൺ ശാന്തകുമാരി, കൺവീനർ മോഹിനി വിജയൻ, വൈദിക യോഗം യൂണിയൻ സമിതി സെക്രട്ടറി ഷിബു ശാന്തി എന്നിവർ സംസാരിക്കും.