കോതമംഗലം: വടാശേരി ക്ഷീരോത്പാദക സഹകരണ സംഘം പുതിയതായി പണി പൂർത്തീകരിച്ച ഫാർമേഴ്‌സ് ഫെസിലിറ്റേഷൻ സെന്ററിന്റെ ഉദ്ഘാടനം മൃഗ സംരക്ഷണ ക്ഷീര വികസന വകുപ്പ് മന്ത്രി ജെ ചിഞ്ചു റാണി നിർവഹിച്ചു. ആന്റണി ജോൺ എം.എൽ.എ അദ്ധ്യക്ഷനായി. 15 ലക്ഷം രൂപ മുടക്കിയാണ് ഫാർമേഴ്‌സ് ഫെസിലിറ്റേഷൻ സെന്ററിന്റെ നിർമ്മാണം പൂർത്തീകരിച്ചത്. ചടങ്ങിൽ കോതമംഗലം ബ്ലോക്ക് പഞ്ചായത്ത് പ്രസിഡന്റ് പി.എ.എം. ബഷീർ, ക്ഷീരവികസനവകുപ്പ് എറണാകുളം ഡെപ്യൂട്ടി ഡയറക്ടർ ട്രീസ തോമസ്, ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ, കോട്ടപ്പടി പഞ്ചായത്ത് പ്രസിഡന്റ് മിനി ഗോപി, എം.ടി. ജയൻ, ഇ.കെ ശിവൻ, റഷീദ സലിം, ജിജി സജീവ്, അനു വിജയനാഥ്, പി.എസ് നജീബ്, പി.കെ. ശിവൻ, ഡി. കോര, മഞ്ജു തോമസ്, എം.കെ. സുകു തുടങ്ങിയവർ പങ്കെടുത്തു.