അങ്കമാലി: വയനാട്ടിലെ ദുരിതബാധിതർക്ക് വേണ്ടി ഡി.വൈ.എഫ്.ഐ പ്രഖ്യാപിച്ച 25 വീടുകൾക്കായി അങ്കമാലി ബ്ലോക്കിലെ കറുകുറ്റി മേഖലാ കമ്മിറ്റി സംഘടിപ്പിച്ച സ്നേഹ യാത്രയിൽ 8 സ്വകാര്യ ബസുകൾ പങ്കുചേർന്നു. മുന്നൂർപ്പിള്ളി ജംഗ്ഷനിൽ വച്ച് സി.പി.എം ഏരിയാ സെക്രട്ടറി അഡ്വ. കെ.കെ. ഷിബു ഡി.വൈ.എഫ്.ഐ ബ്ലോക്ക് പ്രസിഡന്റ് റോജിസ് മുണ്ടപ്ലാക്കലിന് പതാക കൈമാറി സ്നേഹയാത്ര ഉദ്ഘാടനം ചെയ്തു. ലോക്കൽ സെക്രട്ടറി കെ.പി. അനീഷ്, മേഖലാ പ്രസിഡന്റ് യദുകൃഷ്ണ കാർത്തികേയൻ,​ സെക്രട്ടറി ഗോകുൽ ഗോപാലകൃഷ്ണൻ, സുനു സുകുമാരൻ, ഇ.ഡി.അജീഷ്, വി.എസ്. ഷനിൽ എന്നിവർ സംസാരിച്ചു.