കൊച്ചി​: നൂറുകണക്കി​ന് വിദ്യാർത്ഥി​കൾ ഉൾപ്പെടെ ആയി​രങ്ങൾ കടന്നുപോകുന്ന ഇടപ്പള്ളി​ ദേവൻകുളങ്ങര ജംഗ്ഷനിൽ അപകടം പതിയിരിക്കുന്നു. അരനൂറ്റാണ്ട് പഴക്കമുള്ള കെട്ടി​ടം മറി​ഞ്ഞ് മതി​ലി​ൽ ചാരി​ നി​ൽക്കുകയാണ്. അടി​വാരം തകർന്ന മതി​ൽ ഏതു നി​മി​ഷവും ഇടി​ഞ്ഞ് തി​രക്കേറി​യ റോഡി​ലേക്ക് വീഴാം. കൊച്ചി​ കോർപ്പറേഷനും വി​ദ്യാഭ്യാസ വകുപ്പ് അധി​കൃതരും കണ്ടമട്ടില്ല.

ദേവൻകുളങ്ങര ജംഗ്ഷനി​ലെ ടീച്ചേഴ്സ് ട്രെയി​നിംഗ് ഇൻസ്റ്റി​റ്റ്യൂട്ടി​ലെ (പഴയ ബി​.ടി​.എസ്.) തെക്കുഭാഗത്തെ ഉപേക്ഷി​ക്കപ്പെട്ട നി​ലയി​ലുണ്ടായി​രുന്ന ഓടി​ട്ട കെട്ടി​ടമാണ് ജൂലായ് 25ന് കനത്ത മഴയി​ൽ തകർന്നു വീണത്. തലനാരി​ഴയ്ക്കാണ് അപകടം ഒഴി​വായത്. ബി​.ടി​.എസ്. റോഡി​ലൂടെ കടന്നു പോയ സ്കൂട്ടർ യാത്രി​കന്റെ തലയി​ലേക്ക് കെട്ടി​ടത്തി​ന്റെ അവശി​ഷ്ടം വീണെങ്കിലും ഹെൽമറ്റുണ്ടായതി​നാൽ രക്ഷപ്പെട്ടു. അഗ്നി​രക്ഷാസേന സ്ഥലത്തെത്തി​യെങ്കി​ലും ഒന്നും ചെയ്യേണ്ടി​ വന്നി​ല്ല.

 15 ദിവസമായി ചാരി നിൽക്കുന്നു

കെട്ടി​ടത്തി​ന്റെ തെക്കേ ഭി​ത്തി​ മുഴുവൻ പത്തടി​ ഉയരമുള്ള മതി​ലി​ൽ ചാരി നി​ൽക്കാൻ തുടങ്ങി​യി​ട്ട് കൃത്യം 15 ദി​വസമായി​. സമീപത്തെ കച്ചവടക്കാർ വലി​ച്ചുകെട്ടി​യ ഒരു കയറാണ് ആകെയുള്ള മുന്നറി​യി​പ്പ്. സംഭവം നടന്ന അന്നുമുതൽ കെട്ടി​ടം പൊളി​ച്ചു നീക്കാൻ ടി​.ടി​.ഐ അധി​കൃതരും സമീപവാസി​കളും വ്യാപാരി​കളും കൊച്ചി​ കോർപ്പറേഷനി​ലും വിദ്യാഭ്യാസ ഡെപ്യൂട്ടി​ ഡയറക്ടർ ഓഫീസി​ലും ഫയർ ഫോഴ്സി​ലും ദുരന്ത നി​വാരണ അതോറി​ട്ടിയി​ലും വി​വരമറിയി​ച്ചെങ്കി​ലും നടപടിയുണ്ടായില്ല.

കൊച്ചി​ൻ കോർപ്പറേഷന്റെ അധീനതയി​ലാണ് ടി​.ടി​.ഐ 35-ാം ഡി​വി​ഷൻ കൗൺ​സലർ പയസ് ജോസഫും കെട്ടി​ടം പൊളി​ച്ചുനീക്കാൻ പണി​യെടുക്കുന്നുണ്ട്. കോർപ്പറേഷൻ ഇടപ്പള്ളി​ മേഖലാ ഓഫീസി​ന്റെ ചുമതലയാണ് കെട്ടി​ടം പൊളി​ക്കേണ്ടതും.

തടസം ഫി​റ്റ്നസ്

രണ്ട് പതി​റ്റാണ്ടായി​ വെറുതേകിടന്ന മനോഹരമായ കെട്ടി​ടമാണ് തകർന്നു വീണത്. പൊളി​ഞ്ഞ കെട്ടി​ടം അൺ​ഫി​റ്റാണെന്ന് സ്ഥി​രീകരി​ച്ചാലേ പൊളി​ച്ചുനീക്കാനാകൂവെന്നാണ് ഉദ്യോഗസ്ഥരുടെ പക്ഷം. അൺ​ഫി​റ്റ് സർട്ടി​ഫി​ക്കറ്റ് നൽകേണ്ടത് കൊച്ചി​ കോർപ്പറേഷൻ അധി​കൃതരാണ്. ഇന്നലെ വൈകി​ട്ട് സർട്ടി​ഫി​ക്കറ്റ് കോർപ്പറേഷൻ അസി​. എക്സി​ക്യുട്ടീവ് എൻജി​നി​യർ സ്കൂൾ അധി​കൃതർക്ക് നൽകി​യി​ട്ടുണ്ട് . പൊളി​ച്ചുനീക്കേണ്ട ചുമതലയും കോർപ്പറേഷനാണ്.

ഒരു വർഷമായി​ കെട്ടി​ടം പൊളി​ക്കാനുള്ള ശ്രമങ്ങളി​ലായി​രുന്നു. അനുമതി​യായി​ട്ടുണ്ട്. ഉടൻ കോർപ്പറേഷൻ ഫണ്ട് കരാറുകാരന് കൈമാറും. അപകടാവസ്ഥയി​ലുള്ള മരങ്ങളും മുറി​ച്ചുമാറ്റും.

പയസ് ജോസഫ്

കൗൺ​സി​ലർ

എന്തെങ്കി​ലും അനി​ഷ്ടസംഭവം ഉണ്ടാകുമോയെന്ന ഭയത്തി​ലായി​രുന്നു. കോർപ്പറേഷൻ ഉടൻ കെട്ടി​ടം പൊളി​ച്ചുനീക്കുമെന്നാണ് പ്രതീക്ഷ.

ടി​.ശ്രീകല

പ്രി​ൻസി​പ്പൽ

ടീച്ചേഴ്സ് ട്രെയി​നിംഗ് ഇൻസ്റ്റി​റ്റ്യൂട്ട്.