കൊച്ചി​: എസ്.എൻ.ഡി.പി.യോഗം ഉദയംപേരൂർ ശ്രീനാരായണ വിജയസമാജം ശാഖയി​ൽ ശ്രീനാരായണ ഗുരുദേവ ജയന്തി ആഘോഷം ഇക്കുറി​ പ്രകൃതി​ സംരക്ഷണ സന്ദേശപ്രചാരണത്തി​നായി സമർപ്പി​ക്കും. ജയന്തി ആഘോഷങ്ങളുടെ ഭാഗമായി സംഘടിപ്പിക്കുവാൻ നിശ്ചയിച്ചിരുന്ന വർണോജ്ജ്വല ചതയം തിരുനാൾ ഘോഷയാത്ര വയനാട്ടിലുണ്ടായ പ്രകൃതിദുരന്തത്തി​ന്റെ പശ്ചാത്തലത്തിൽ കലാരൂപങ്ങളും വാദ്യമേളങ്ങളും ഒഴിവാക്കി പ്രകൃതിസംരക്ഷണ സന്ദേശ യാത്രയാക്കും. പ്രകൃതിയുടെ സംതുലിതാവസ്ഥ തകർക്കുന്ന മനുഷ്യന്റെ ചെയ്തികളുടെ അനന്തരഫലങ്ങളെക്കുറിച്ച് വ്യക്തമായ മുന്നറിയിപ്പ് നൽകിയ ഗുരുവിന്റെ സന്ദേശങ്ങളിലേക്ക് ശ്രദ്ധ ക്ഷണിക്കലാകും ഉദയംപേരൂരി​ലെ ജയന്തി​യാഘോഷം.

17ന് പതാകദി​നം. 18ന് വൈകിട്ട് ആറിന് പ്രാർത്ഥനയും പ്രസാദ ഊട്ടിനുള്ള ദ്രവ്യ സമർപ്പണവും 20ന് ഗുരുദേവ ജയന്തിദിനത്തി​ൽ രാവിലെ എട്ടിന് ഗുരുപൂജ,
വൈകിട്ട് നാലിന് പ്രകൃതിസംരക്ഷണ സന്ദേശ യാത്ര തെക്ക് കണ്ണേമ്പിള്ളി ഗുരുമണ്ഡപത്തി​ൽ നി​ന്ന് തുടങ്ങി​ ശാഖാങ്കണത്തിൽ സമാപിക്കും. തുടർന്ന് സമൂഹപ്രാർത്ഥന, പ്രകൃതി സംരക്ഷണ പ്രതിജ്ഞ, മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് സഹായധനം കൈമാറൽ എന്നി​വ നടക്കും. വയനാട് ദുരന്തഭൂമിയിൽ രക്ഷാദൗത്യത്തിൽ പങ്കാളിയായ ശാഖാ അംഗവും എംപ്ളോയീസ് ഫോറം യൂണി​യൻ സെക്രട്ടറി​യുമായ ആർ.അജയകുമാറിനെയും ദുരന്തത്തിനിരയായവർക്കുള്ള പുനരധിവാസത്തിന് 12 സെന്റ് സ്ഥലം വിട്ടുനൽകിയ എസ്.എൻ.ഡി​.പി​. സ്കൂളി​ലെ വിദ്യാർത്ഥിനി എസ്.ആരുഷിയെയും കുടുംബാംഗങ്ങളെയും ആദരിക്കും.