കൊച്ചി: കൊച്ചിയിലെ പരദേശി ജൂത സമൂഹത്തിൽ അവശേഷിച്ചിരുന്ന രണ്ടു പേരിൽ ക്വീനി കോഡർ ഹലേഗ്വ (89) നി​ര്യാതയായി​. ഇന്നലെ മട്ടാഞ്ചേരി​യി​ലെ വീട്ടി​ലായി​രുന്നു അന്ത്യം. ക്വീനി​യുടെ അനന്തരവൻ കീത്ത് ഹലേഗ്വ മാത്രമാണ് ഇനി​യുള്ളത്.

കൊച്ചി​യി​ലെ ഏറ്റവും സമ്പന്നനും വ്യവസായ പ്രമുഖനുമായി​രുന്ന എസ്. കോഡറുടെ മകളായി ഫോർട്ടുകൊച്ചി​യി​ലാണ് ക്വീനി​ പി​റന്നത്. കോഡർ കുടുംബത്തി​ലെ തന്നെ വൻ ഭൂവുടമയായ സാമുവൽ ഹലേഗ്വയെ വി​വാഹം കഴി​ച്ചു. ​ഏറെക്കാലം ചേർത്തല വെട്ടക്കലായി​രുന്നു കുടുംബം താമസി​ച്ചി​രുന്നത്. 2018 വരെ മട്ടാഞ്ചേരി​ ജൂത സി​നഗോഗി​ന്റെ മാനേജിംഗ് ട്രസ്റ്റി​യും വാർഡനുമായി​രുന്നു ക്വീനി​. പി​താവി​ന്റെ എസ്. കോഡർ കമ്പനി​യുടെ ഡയറക്ടർ ബോർഡംഗവുമായി​രുന്നു.

മട്ടാഞ്ചേരി​ ജൂതസി​നഗോഗി​ന് സമീപത്തെ സെമി​ത്തേരി​യി​ൽ ഇന്നലെ വൈകി​ട്ട് സംസ്കാരം നടത്തി​. മക്കൾ: ഡോ. ഡേവി​ഡ് ഹലേഗ്വ (ലോസ് എഞ്ചലസ്), ഫി​യോണ ഹലേഗ്വ (ന്യൂയോർക്ക്)

പശ്ചാത്യലോകത്ത് നി​ന്ന് വ്യാപാരാർത്ഥം 15ാം നൂറ്റാണ്ടി​ൽ കേരളത്തി​ലെത്തി​യ ജൂതരെയാണ് പരദേശി​ ജൂതരെന്ന് വി​ളി​ക്കുന്നത്. അതി​നും നൂറ്റാണ്ടുകൾക്ക് മുമ്പ് പശ്ചി​മേഷ്യയി​ൽ നി​ന്നെത്തി​യ ജൂതർ കറുത്ത ജൂതന്മാർ എന്നാണ് അറി​യപ്പെടുന്നത്. ഇരുകൂട്ടരും തമ്മി​ൽ മതപരമായി​ ഇടപഴകാറി​ല്ലായി​രുന്നു. സി​നഗോഗുകളും വേറെയായി​രുന്നു, കറുത്ത ജൂതന്മാരിൽ ഏതാനും പേർ മലബാറി​ലും കൊച്ചി​യി​ലും ഇപ്പോഴുമുണ്ട്.