കൊച്ചി: ഭാരതീയതയിൽനിന്ന് പാശ്ചാത്യ വൈകാരികതയിലേക്ക് തെന്നിമാറിയതാണ് ഭാരതത്തിന്റെ അപചയത്തിന് കാരണമെന്ന് പ്രജ്ഞാ പ്രവാഹ് ദേശീയ സംയോജകൻ ജെ. നന്ദകുമാർ പറഞ്ഞു. ഭാരതീയ വിചാരകേന്ദ്രം നടത്തിയ സംസ്ഥാന പഠനശിബിരത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. അനിൽ ചൗധരി, ഡോ.വി.പി. മിഥുൻ, അഡ്വ. എ. ജയശങ്കർ, അഡ്വ. കെ.പി. കൈലാസനാഥപിള്ള, അഡ്വ. പി. കൃഷ്ണദാസ്, ഡോ. ശങ്കർജി, എന്നിവർ പ്രബന്ധാവതരണം നടത്തി.
കാലടി സംസ്‌കൃത സർവകലാശാല വൈസ് ചാൻസലർ പ്രൊഫ. കെ.കെ. ഗീതാകുമാരി സമാപന സമ്മേളനം ഉദ്ഘാടനം ചെയ്തു. അഡ്വ. എൻ. അരവിന്ദൻ അദ്ധ്യക്ഷത വഹിച്ചു.
വിചാരകേന്ദ്രം സംസ്ഥാന അദ്ധ്യക്ഷൻ ഡോ. സി.വി. ജയമണി അദ്ധ്യക്ഷത വഹിച്ചു. റിട്ട. ജസ്റ്റിസ് ആർ. ഭാസ്‌കർ, ഡയറക്ടർ ആർ. സഞ്ജയൻ, ജില്ലാ സെക്രട്ടറി പി.എസ്. അരവിന്ദാക്ഷൻ നായർ, കെ. മുരളീകൃഷ്ണൻ ഡോ. എൻ. സന്തോഷ്‌കുമാർ, കെ.വി. രാജശേഖരൻ എന്നിവർ സംസാരിച്ചു.