കൊച്ചി: അന്താരാഷ്ട്ര യുവജന ദിനത്തോടനുബന്ധിച്ച് പ്രയത്‌ന സെന്റർ ഫോർ ചൈൽഡ് ഡെവലപ്‌മെന്റ് കൊച്ചി അമൃത വിശ്വവിദ്യാപീഠത്തിന്റെ സഹകരണത്തോടെ 'മാനസികസമ്മർദ്ദവും വികാരങ്ങളും വിജയകരമായി നേരിടാം' എന്ന വിഷയത്തിൽ ക്ലാസ് സംഘടിപ്പിച്ചു. യുവാക്കളുടെ വൈകാരിക ക്ഷേമം, മാനസിക സമ്മർദ്ദം നിയന്ത്രിക്കൽ എന്നീ വിഷയങ്ങളിൽ പരിപാടി ശ്രദ്ധ കേന്ദീകരിച്ചു. പ്രാരംഭ ഘട്ടമായി വിഷ്വൽ മീഡിയ ആൻഡ് കമ്മ്യൂണിക്കേഷൻ വിഭാഗത്തിലെ വിദ്യാർത്ഥികൾക്കായി സെഷൻ സംഘടിപ്പിച്ചു. പ്രയത്‌നയിലെ ക്ലിനിക്കൽ സൈക്കോളജിസ്റ്റായ ഡോ. ലിഷ പി. ബാലൻ നേതൃത്വം നൽകി. ദൈനംദിന ജീവിതത്തിൽ നേരിടേണ്ടുന്ന വികാരങ്ങളും സമ്മർദ്ദവും മനസിലാക്കാനും നിയന്ത്രിക്കാനും സഹായിക്കുന്ന ഉൾക്കാഴ്ചകളും പ്രായോഗികോപായങ്ങളും പങ്കുവച്ചു.