അങ്കമാലി: വയനാടിനായി ഡി.വൈ.എഫ്.ഐ പ്രഖ്യാപിച്ച 25 വീടുകളുടെ നിർമ്മാണ ഫണ്ടിലേക്ക് സ്ക്രാപ് ചലഞ്ചിലൂടെയും പ്രൈവറ്റ് ബസുടമകളുമായി സഹകരിച്ച് സ്നേഹയാത്ര നടത്തിയും അങ്കമാലി ബ്ലോക്ക് കമ്മിറ്റി ആദ്യഗഡുവായി 5 ലക്ഷം സമാഹരിച്ചു. ജില്ലാ സെക്രട്ടറി എ.ആർ. രഞ്ജിത്ത്, ബ്ലോക്ക് സെക്രട്ടറി സച്ചിൻ ഐ. കുര്യാക്കോസ്, പ്രസിഡന്റ് റോജിസ് മുണ്ടപ്ലാക്കൽ എന്നിവരിൽനിന്ന് തുക ഏറ്റുവാങ്ങി. അഡ്വ. ബിബിൻ വർഗീസ്, ജില്ലാ സെക്രട്ടേറിയറ്റ് അംഗം പി.യു. ജോമോൻ, അനില ഡേവിഡ് എന്നിവർ സംസാരിച്ചു.