കാഞ്ഞിരമറ്റം: ആമ്പല്ലൂർ ഗ്രാമപഞ്ചായത്തും എറണാകുളം ജില്ലാ പഞ്ചായത്തും ആമ്പല്ലൂർ ആയൂർവേദ ഡിസ്പെൻസറിയും സംയുക്തമായി ആമ്പല്ലൂർ ഗ്രാമ പഞ്ചായത്തിൽ മാതൃ വന്ദനം - വയോ രക്ഷാ പദ്ധതിക്ക് തുടക്കം കുറിച്ചു. ജില്ലാ പഞ്ചായത്ത് മെമ്പർ കെ.വി അനിത പരിപാടി ഉദ്ഘാടനം ചെയ്തു. പഞ്ചായത്ത് പ്രസിഡന്റ് ബിജു തോമസ് അദ്ധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ബിന്ദു സജീവ്, പഞ്ചായത്ത് വൈസ് പ്രസിഡന്റ് ജയശ്രീ പദ്മാകരൻ, ആരോഗ്യ സമിതി ചെയർമാൻ എം.എം. ബഷീർ, മെമ്പർമാരായ എ.പി. സുഭാഷ്, ജെസ്സി ജോയി, രാജൻ പി, ഡോ. ജിസ് മോൾ, ഡോ. ദിവ്യ എസ്. നായർ, ഡോ. കെ.ബി സന്ധ്യാ മോൾ തുടങ്ങിയവർ സംസാരിച്ചു.