മൂവാറ്റുപുഴ: സ്വാതന്ത്ര്യ ദിനത്തോടനുബന്ധിച്ച് മൂവാറ്റുപുഴ നിർമല ഹയർ സെക്കൻഡറി സ്കൂളിൽ സ്വാതന്ത്ര്യ വിളംബര റാലിയും കാർഗിൽ യുദ്ധത്തിൽ പങ്കെടുത്ത ധീര ജവാന് ആദരവും നൽകി. സ്കൂൾ അങ്കണത്തിൽ നിന്ന് ആരംഭിച്ച റാലി ടൗൺ ചുറ്റി ഓഡിറ്റോറിയത്തിൽ സമാപിച്ചു. തുടർന്ന് വയനാട് ദുരന്തത്തിൽ മരണമടഞ്ഞവർക്ക് ആദരാഞ്ജലികൾ അർപ്പിച്ചു.അഞ്ചാം ക്ലാസിലെ കുട്ടികൾ മുണ്ടക്കൈ ഗ്രാമ മാതൃകയെ ക്യാൻവാസിൽ തയ്യാറാക്കി. പ്രിൻസിപ്പൽ ഫാ. ഡോ. ആന്റണി പുത്തൻകുളം ക്യാൻവാസിന് താഴെ ദീപം തെളിച്ചു. തുടർന്ന് കാർഗിൽ യുദ്ധത്തിൽ പങ്കെടുത്ത ധീരജവാൻ കേണൽ ജയപാലിനെ ആദരിച്ചു.