കൊച്ചി: ഇത്തവണയും ചോദ്യപേപ്പർ നൽകാതെ ഹയർസെക്കൻഡറി ഒന്നാംപാദ വാർഷികപരീക്ഷ (ഓണപ്പരീക്ഷ) നടത്തണമെന്ന് ഉത്തരവിറക്കി പൊതുവിദ്യാഭ്യാസ വകുപ്പ്. സെപ്തംബർ നാലുമുതലാണ് പരീക്ഷ ആരംഭിക്കുക. സ്‌കൂൾതലത്തിൽ ചോദ്യപേപ്പർ തയ്യാറാക്കണമെന്നാണ് 14ന് പൊതുവിദ്യാഭ്യാസ ഡയറക്ടർ ഇറക്കിയ സർക്കുലർ. അതിനുള്ള ക്രമീകരണം പ്രിൻസിപ്പൽമാർ നടത്തണമെന്നാണ് നി​ർദ്ദേശം. വയനാട് ജില്ലയിലെ കുട്ടികൾക്കും പ്ളസ്‌വൺ വിദ്യാർത്ഥികൾക്കും ഓണപ്പരീക്ഷ ഉണ്ടാവില്ല.

ഓരോ സ്‌കൂളിലെയും അദ്ധ്യാപകർ തന്നെയാണ് എസ്.സി.ഇ.ആർ.ടി സ്‌കീം അനുസരിച്ച് ചോദ്യങ്ങൾ തയ്യാറാക്കേണ്ടത്. ഏജൻസികളുടെയോ സംഘടനകളെയോ പാടില്ല. ഇവ ഉപയോഗി​ച്ചാൽ പ്രിൻസിപ്പലി​നെതിരെ കർശന നടപടി എടുക്കുമെന്ന് പരീക്ഷാവിഭാഗം ജോയിന്റ് ഡയറക്ടർ കഴിഞ്ഞവർഷം സർക്കുലർ ഇറക്കിയിരുന്നു. ഇത് അവഗണി​ച്ച സ്കൂളുകളി​ൽ ചി​ലതി​നെതി​രെ നടപടി​യുമുണ്ടായി​.

ഒന്നുമുതൽ പത്താംക്ലാസ് വരെ ഓണപ്പരീക്ഷക്ക് വിദ്യാഭ്യാസവകുപ്പാണ് ചോദ്യപേപ്പർ നൽകുന്നത്. ഹയർസെക്കൻഡറി​

സ്‌കൂളുകൾ സ്വയം ചോദ്യപ്പേപ്പർ തയ്യാറാക്കുമ്പോൾ ഏകീകൃത ടൈംടേബിളിന്റെ ആവശ്യമില്ല.