പറവൂർ: വടക്കേക്കര ഹിന്ദുമത ധർമ്മപരിപാലന സഭയുടെ നേതൃത്വത്തിൽ ഗുരുദേവ ജയന്തി ആഘോഷം വിപുലമായി നടന്നു. മൂത്തകുന്നം ശ്രീനാരായണമംഗലം ക്ഷേത്രത്തിൽ വിശേഷാൽ പൂജകളോടെയായിരുന്നു ആഘോഷങ്ങളുടെ തുടക്കം. ക്ഷേത്രാങ്കണത്തിലെ ഗുരുദേവ മണ്ഡപത്തിൽ വിശേഷാഷപൂജ നടന്നു. സഭ പ്രസിഡന്റ് കെ.വി. അനന്തൻ പീതപതാക ഉയർത്തി. ജയന്തിദിന ഘോഷയാത്രക്ക് ശേഷം നടന്ന സമ്മേളനം ഗുരുവായൂർ ദേവസ്വം ബോ‌‌‌ർഡ് അംഗം കെ.പി. വിശ്വനാഥൻ ഉദ്ഘാടനം ചെയ്തു. സഭ പ്രസിഡന്റ് കെ.വി. അനന്തൻ അദ്ധ്യക്ഷനായി. യോഗം കൗൺസിലർ ഇ.എസ്. ഷീബ, സഭ സെക്രട്ടറി ഡി. സുനിൽകുമാർ, എസ്.എൻ.എം കോളേജ് പ്രിൻസിപ്പൽ ഡോ. ടി.എച്ച്. ജിത, ആഘോഷ കമ്മിറ്റി കൺവീനർ സി.ജി. ജയറാം എന്നിവർ സംസാരിച്ചു.