കൊച്ചി: വെണ്ണല സർവീസ് സഹകരണബാങ്കിന്റെ നേതൃത്വത്തിൽ മൊബൈൽഫോൺ വായ്പാമേള തുടങ്ങി. മേള ബാങ്ക് പ്രസിഡന്റ് അഡ്വ.എ.എൻ. സന്തോഷ് ഉദ്ഘാടനം ചെയ്തു. എസ്. മോഹൻദാസ് അദ്ധ്യക്ഷനായി. ബാങ്ക് ഭരണസമിതി അംഗങ്ങളായ വിനീത സക്‌സേന, ആശാ കലേഷ്, എൻ.എ. അനിൽകുമാർ, എം.എൻ. ലാജി എന്നിവർ സംസാരിച്ചു. ഓണം പ്രമാണിച്ച് 21 മുതൽ 25വരെ ആലിൻചുവട് സഹകരണ സൂപ്പർമാർക്കറ്റിലാണ് മേള. അംഗങ്ങൾക്കായി മിതമായ പലിശനിരക്കിൽ 12മുതൽ 36മാസ കാലാവധിക്കാണ് വായ്പകൾ. സ്മാർട്ട് ഫോണുകളും ലഭ്യമാണ്.