മരട്: കളഞ്ഞുകിട്ടിയ ഒരു പവന്റെ വള ഉടമയ്ക്ക് തിരികെ നൽകി മാതൃകയായി​ നെട്ടൂർ സ്വദേശി മുഹമ്മദ് റാഫി. നെട്ടൂർ ഐ.എൻ.ടി.യു.സി - അമ്പലക്കടവ് റോഡിൽനിന്ന് ഇന്നലെ ഉച്ചയ്ക്ക് 12.30ഓടെയാണ് വള മുഹമ്മദ് റാഫിക്ക് കിട്ടിയത്. തുടർന്ന് സമീപത്തെ കടകളിലും ബാങ്കുകളിലും മറ്റും അന്വേഷണം നടത്തിയെങ്കിലും ഉടമയെ കണ്ടെത്താനായില്ല. വാഹനങ്ങൾ കയറിയിറങ്ങിയതിനാൽ വള ചതഞ്ഞി​രുന്നു. തുടർന്ന് പനങ്ങാട് പൊലീസി​നെ വി​വരമറി​യി​ച്ചു.

ഇതി​നി​ടയി​ൽ വളയുടെ ഉടമസ്ഥനായ കുണ്ടന്നൂർ സ്വദേശി ജിതിൻ പരാതി​പ്പെടാൻ സ്റ്റേഷനി​ലെത്തി​യപ്പോഴാണ് വള കി​ട്ടി​യവി​വരം പൊലീസുകാർ പറയുന്നത്. തുടർന്ന് മുഹമ്മദ് റഫിയെ എസ്.ഐ പ്രവീൺ​ സ്റ്റേഷനി​ലേക്ക് വി​ളി​പ്പി​ച്ചു.​ അവി​ടെവച്ച് മുഹമ്മദ് റാഫിയും സുഹൃത്ത് റഫിനും ചേർന്ന് വള ഉടമസ്ഥന് കൈമാറി​. നെട്ടൂർ ഐ.എൻ.ടി.യു.സി ജംഗ്ഷന് സമീപം പ്രൈഡ് എന്ന ചെരുപ്പുകട നടത്തുകയാണ് മുഹമ്മദ് റാഫി.