കൊച്ചി: കേരള കോൺഗ്രസ് (ബി) മദ്ധ്യമേഖലാ സമ്മേളനം ഇന്ന് ഉച്ചയ്ക്ക് രണ്ടിന് എറണാകുളം ടൗൺഹാളിൽ മന്ത്രി കെ.ബി. ഗണേശ്കുമാർ ഉദ്ഘാടനം ചെയ്യും. സംസ്ഥാന ജനറൽ സെക്രട്ടറി കെ.ജി. പ്രേംജിത്ത് അദ്ധ്യക്ഷത വഹിക്കും. ജില്ലാ പ്രസിഡന്റുമാരായ പ്രശാന്ത് നന്ദകുമാർ (കോട്ടയം), രതീഷ് അത്തിക്കുഴി (ഇടുക്കി​), ഷൈജു ബഷീർ (തൃശൂർ), എസ്. വിശ്വനാഥൻ (പാലക്കാട്), സംസ്ഥാന സെക്രട്ടറി എച്ച്. റിയാസ് മുഹമ്മദ്, എറണാകുളം ജില്ലാ പ്രസിഡന്റ് അഡ്വ. പി.കെ. രാഘവൻ തുടങ്ങിയവർ പ്രസംഗിക്കും.

പാലക്കാട്, തൃശൂർ, എറണാകുളം, കോട്ടയം, ഇടുക്കി ജില്ലകളിലെ പ്രവർത്തകർ പങ്കെടുക്കും.