പിറവം: സ്ത്രീ ശാക്തീകരണത്തിനായി സൈൻ സൊസൈറ്റിയും, എൻ.ജി.ഒ.കോൺഫെഡറേഷന്റെയും ആഭിമുഖ്യത്തിൽ വനിതകൾക്ക് 50% ഗുണഭോക്ത വിഹിതത്തിൽ നൽകുന്ന ടൂവിലറുകളുടെ 37-ാം ഘട്ട വിതരണ പരിപാടി പിറവം മാം ഓഡിറ്റോറിയത്തിൽ ബി.ജെ.പി ദേശീയ നിർവാഹക സമിതിയംഗം സി.കെ. പത്മനാഭൻ ഉദ്ഘാടനം ചെയ്തു. എറണാകുളം മേഖല വൈസ് പ്രസിഡന്റ് എം.എൻ. മധു അദ്ധ്യക്ഷനായി. സൈൻ സംസ്ഥാന കോഓഡിനേറ്റർ സുനിൽ കുമാർ കളമശേരി, വനിതാ ചീഫ് കോഓഡിനേറ്റർ മിനി ടീച്ചർ, ഷീജ പരമേശ്വരൻ, പി.എസ്. അനിൽകുമാർ, വി. അഭിലാഷ തുടങ്ങിയവർ പങ്കെടുത്തു. 150 ഓളം വനിതകൾക്ക് ടൂവീലർ വിതരണം നടത്തി. അഞ്ഞൂറോളം വനിതകൾക്ക് സൈൻ സൊസൈറ്റിയുടെ ഗുണഭോക്തൃ കാർഡും നൽകി.