ആലുവ: വയനാടിനായി മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ആലുവ ഫോറസ്റ്റ് ഇൻഡസ്ട്രീസ് ട്രാവൻകൂർ ലിമിറ്റഡിന്റെ സഹായം നാളെ കൈമാറും. മേപ്പാടി ഗവ. ഹയർ സെക്കൻഡറി സ്‌കൂളിലേക്ക് നൽകുന്ന ഫർണിച്ചർ ഫ്ളാഗ് ഓഫും, കമ്പനി ജീവനക്കാർ നൽകുന്ന സഹായനിധി ഏറ്റുവാങ്ങലും നാളെ ഉച്ചക്ക് രണ്ടിന് മന്ത്രി പി. രാജീവ് നിർവഹിക്കും. അൻവർ സാദത്ത് എം.എൽ.എ, ജില്ലാ കളക്ടർ എൻ.എസ്.കെ. ഉമേഷ്, വാഴക്കുളം ബ്ലോക്ക് പഞ്ചായത്ത് പ്രസിഡന്റ് അൻവർ അലി, ഗ്രാമപഞ്ചായത്ത് പ്രസിഡന്റ് രാജി സന്തോഷ്, റൂബി ജിജി എന്നിവർ പങ്കെടുക്കും.