കാലടി: നെൽകൃഷിക്ക് ഏറെ പേര് കേട്ട കാലടിയിലെ നെൽപാടങ്ങൾ കാടുപിടിച്ച് തരിശുനിലങ്ങൾ പെരുകുന്നു. ഏക്കറ് കണക്കിന് നെൽവയലുകളാണ് നിലവിൽ തരിശിട്ടിരിക്കുന്നത്. കാലടി പുഴയിൽ നിന്നും ഇപ്പോഴും കൃഷിക്കാവശ്യമായ വെള്ളം കനാൽ വഴി ലഭിക്കുന്നുണ്ട്. എന്നാൽ കർഷകർ നെൽകൃഷി ചെയ്യുന്നില്ല. സംസ്ഥാന സർക്കാർ നെൽവയൽ- തണ്ണീർതട സംരക്ഷണം നിയമങ്ങൾ ശക്തമാക്കുമ്പോഴും കാലടിയിൽ തരിശുനിലങ്ങൾ ഏറുകയാണ്. പഞ്ചായത്തുകളുടെ വാർഷിക ബഡ്ജറ്റിന്റെ 30 ശതമാനം കാർഷിക മേഖലയ്ക്ക് മാറ്റി വയ്ക്കണമെന്ന സർക്കാർ ചട്ടം പോലും തരിശു ഭൂമി കൃഷിയിടമാക്കുന്നതിന് പ്രോത്സാഹനമാകുന്നില്ല. അതേസമയം,​ കൂണുപോലെ അരിമില്ലുകൾ പൊട്ടിമുളയ്ക്കുകയാണ് പ്രദേശത്ത്.

മൂന്ന് പൂ കൃഷിയിടങ്ങൾ ഇപ്പോൾ തരിശുനിലങ്ങൾ

വർഷങ്ങൾക്ക് മുമ്പ് മൂന്ന് പൂ കൃഷി ചെയ്തിരുന്ന സ്ഥലങ്ങളെല്ലാം ഇപ്പോൾ തരിശാണ്. വിവിധ പദ്ധതികളിലൂടെ മുൻ വർഷങ്ങളിൽ നെൽകൃഷി വ്യാപനം നടത്തിയെങ്കിലും ഈ വർഷം അത്തരം യാതൊരു പദ്ധതികളുമുണ്ടായില്ല.

മറ്റൂർ

മാണിക്ക്യമംഗലം

തോട്ടകം

പുതിയക്കര

യോർദ്ധാനാപുരം

പിരാരൂർ