പെരുമ്പാവൂർ: നാരായണ ഗുരുകുലം അദ്ധ്യക്ഷൻ ഗുരു മുനി നാരായണ പ്രസാദ് ഇന്ന് മുതൽ സെപ്തംബർ എട്ട് വരെ ജില്ലയിലെ വിവിധ പ്രോഗ്രാമുകളിൽ പങ്കെടുക്കും. ഇന്ന് വൈകിട്ട് ആറിന് ചെമ്പുമുക്ക് ഗിരിജ ദേവിയുടെ വസതിയിൽ നടക്കുന്ന പ്രാർത്ഥന യോഗത്തിൽ പങ്കെടുക്കും. സെപ്തംബർ ഒന്നിന് മൂന്ന് മണിക്ക് പാലാരിവട്ടത്തുള്ള കേരള കത്തോലിക്ക സഭയുടെ ആസ്ഥാനത്ത് നൽകുന്ന ആദരവ് ഏറ്റുവാങ്ങും. സെപ്തംബർ രണ്ട്,​ മൂന്ന് തീയതികളിൽ പെരുമ്പാവൂരിലുള്ള തോട്ടുവ മംഗളഭാരതി ആശ്രമത്തിലുണ്ടാകും.

 മറ്റു പരിപാടികൾ

 സെപ്തംബർ 4 ന് നാലു മണിക്ക് പെരുമ്പാവൂർ വൈ.എം.സി.എ ഹാളിൽ നടക്കുന്ന ഗുരുകുലം സ്റ്റഡി സർക്കിളിന്റെ പത്താം വാർഷിക സമ്മേളനത്തിൽ പങ്കെടുക്കും.

5, 6 തീയതികളിൽ മലയാറ്റൂർ ദിവ്യശാന്തി നികേതനം നാരായണ ഗുരുകുലത്തിൽ ഉണ്ടാകും. ആറിനു വൈകിട്ട് 6 മണിക്ക് മുടക്കുഴ പൈതൃകം പഠന കേന്ദ്രത്തിൽ നടക്കുന്ന പരിപാടിയിൽ പങ്കെടുക്കും.

 7-ന് തൃപ്പൂണിത്തുറ നാരായണ ഗുരുകുലത്തിലേയ്ക്ക് പോകും.

 എട്ടിന് രാവിലെ 10ന് തൃപ്പൂണിത്തു ഗുരുകുലത്തിൽ നടക്കുന്ന സദ്സംഗത്തിൽ പങ്കെടുക്കും.