കൊച്ചി: ഡെങ്കിപ്പനി ബാധിച്ച് ജില്ലയിൽ ഒരാൾകൂടി മരിച്ചു. മരട് ഫാദർ ജോർജ് വാകയിൽ റോഡിൽ പുളിപ്പറമ്പിൽ പരേതനായ ആന്റണിയുടെ മകൾ മേരി സാന്റിയയാണ് (19) മരിച്ചത്. കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. ഇന്നലെ വൈകിട്ട് 3.30ഓടെയായിരുന്നു മരണം. കടുത്തപനി ബാധിച്ച മേരി സാന്റിയ കഴിഞ്ഞ വെള്ളിയാഴ്ചയാണ് തൃപ്പൂണിത്തുറ താലൂക്ക് ആുപത്രിയിൽ ചികിത്സതേടിയത്. പരിശോധനയിൽ ഡെങ്കിപ്പനി സ്ഥിരീകരിച്ചു. തുടർന്ന് എറണാകുളത്തെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. സംസ്‌കാരം ഇന്ന് ഉച്ചയ്ക്ക് 3 ന് മരട് മൂത്തേടം സെമിത്തേരിയിൽ. മാതാവ്: നീബ. സഹോദരി: സെലിൻ സാനിയ. പനങ്ങാട് വൊക്കേഷണൽ ഹയർസെക്കൻഡറി സ്‌കൂളിൽ പ്ലസ് ടു പൂർത്തിയാക്കിയ മേരി സാന്റിയ തുടർ വിദ്യാഭ്യാസത്തിനുള്ള തയ്യാറെടുപ്പിലായിരുന്നു.