തൊടുപുഴ: പുണ്യസങ്കേതങ്ങളിൽ പിതൃക്കൾക്ക് മോക്ഷപ്രാപ്തിക്കായി ഇന്ന് തർപ്പണം നടത്തും. . കർക്കിടവാവ് ദിവസം പ്രത്യേക പൂജകളും ബലിതർപ്പണത്തിനുള്ള ക്രമീകരണങ്ങളും ജില്ലയിലെ ക്ഷേത്രങ്ങളിൽ വിപുലമായ സജീകരണങ്ങളാണ് ഒരുക്കിയിട്ടുള്ളത്.

വെങ്ങല്ലൂർ ചെറായിക്കൽ സുബ്രഹ്മണ്യസ്വാമി ഗുരുദേവ ക്ഷേത്രത്തിൽ പുലർച്ചെ അഞ്ചിന് ആരംഭിക്കുന്ന ബലിതർപ്പണ ചടങ്ങുകൾക്ക് ക്ഷേത്രം മേൽശാന്തി വൈക്കം ബെന്നി ശാന്തി മുഖ്യകാർമ്മികത്വം വഹിക്കും.പിതൃനമസ്‌കാരം, തിലഹവനം, നെയ്വിളക്ക് സമർപ്പണം, മറ്റ് വഴിപാടുകൾ എന്നിവ സമർപ്പിച്ച് പ്രാർത്ഥിക്കുന്നതിനും സൗകര്യങ്ങൾ ഒരുക്കും.
കാഞ്ഞിരമറ്റം ശ്രീമഹാദേവക്ഷേത്രത്തിൽ ഭക്തർക്ക് പിതൃശാന്തിക്കും പിതൃദോഷപരിഹാരങ്ങൾക്കുമായി വഴിപാടുകൾ നടത്തുന്നതിന് ക്ഷേത്രമുറ്റത്ത് കൂടുതൽ കൗണ്ടറുകളും സജ്ജീകരിച്ചിട്ടുണ്ട്. ബലിതർപ്പണത്തിനായി ക്ഷേത്രത്തിൽ എത്തുന്ന ഭക്തജനങ്ങൾക്ക് പ്രഭാതഭക്ഷണവും ഏർപ്പാടു ചെയ്തിട്ടുള്ളതായി ഭാരവാഹികൾ അറിയിച്ചു.
അരിക്കുഴഎസ്. എൻ. ഡി. പിശാഖാങ്കണത്തിലുള്ള ഗുരുദേവ ക്ഷേത്രത്തിൽ ക്ഷേത്രം മേൽശാന്തി രതീഷ് ശാന്തിയുടെ കാർമികത്യത്തിൽരാവിലെ 6മണി മുതൽ ബലിതർപ്പണം നടക്കും.പിതൃനമസ്‌കാരം, അടച്ചുനമസ്‌കാരം തുടങ്ങിയ വഴിപാടുകൾ ഉണ്ടായിരിക്കും.
പരിയാരം ശ്രീ സുബ്രഹ്മണ്യ ഗുരുദേവക്ഷേത്രത്തിൽ ക്ഷേത്രം മേൽശാന്തി സന്ദീപ് ശാന്തികളുടെയും ക്ഷേത്രം ശാന്തി ബിബിൻ ശാന്തിയുടെയും മുഖ്യ കാർമികത്വത്തിൽനടക്കുന്ന ചടങ്ങുകൾക്കൊതം നമസ്‌കാരം,കൂട്ട നമസ്‌കാരം,തിലഹവനം, സായൂജ്യപൂജ എന്നീ വഴിപാടുകൾ ഉണ്ടായിരിക്കും.
ഇടുക്കി ശ്രീധർമ്മശാസ്താ ദേവി ഗുരുദേവ ക്ഷേത്രത്തിൽ പിതൃതർപ്പൻ ചടങ്ങുകൾ മഹേന്ദ്രൻ ശാന്തികളുടെ നേതൃത്വത്തിൽ നടക്കും.
എസ്. എൻ. ഡി. പിയോഗം രാജാക്കാട് ശാഖയുടെ ശ്രീമഹാദേവർ ക്ഷേത്രത്തിൽ രാവിലെ ആറ്മുതൽബലിതർപ്പണവും പിതൃനമസ്‌ക്കാരവും നടക്കും.
കൊച്ചറ കൈലാസഗിരി ശിവപാർവതി ക്ഷേത്രത്തിൽ ക്ഷേത്രം ശാന്തി അഭിനവ് ശാന്തിയുടെ കാർമികത്വത്തിൽ ബലി തർപ്പണം, പിതൃസ്മരണ നടക്കും.
കാഞ്ഞാർ മഹാദേവ സുബ്രഹ്മണ്യ ക്ഷേത്രത്തിൽ ക്ഷേത്രം മേൽശാന്തി മഹേഷ് മുഖ്യകാർമ്മികത്വം വഹിക്കും. ചടങ്ങുകൾക്ക് എത്തുന്നവർക്ക് വിശേഷാൽ പൂജകൾ പിതൃ നമസ്‌കാരം, തിലഹവനം തുടങ്ങിയ വഴിപാടുകൾ ചെയ്യുന്നതിനുള്ള സൗകര്യം ഒരുക്കിയിട്ടുണ്ട്.
വണ്ണപ്പുറം കാഞ്ഞിരക്കാട്ട് മഹാദേവി ക്ഷേത്രത്തിൽ ചടങ്ങുകൾക്ക് ക്ഷേത്രം തന്ത്രി എൻ. വി. സുധാകരൻ തന്ത്രി, മേൽശാന്തി ബാബു ശാന്തി എന്നിവർ മുഖ്യകാർമ്മികത്വം വഹിക്കും. ബലിതർപ്പണത്തിന്‌ശേഷം ഔഷധക്കഞ്ഞിവിതരണം നടക്കും.
കോളപ്ര ചക്കളത്തുകാവ് ഉമാമഹേശ്വര ക്ഷേത്രത്തിൽ ബലിതർപ്പണത്തിന് കോതമംഗലം ഇടപ്പിള്ളി ഇല്ലം എസ്. അനൂപ് മുഖ്യകാർമ്മികത്വം വഹിക്കും.
തൊപ്പിപ്പാള എസ് .എൻ ഡി പി ശാഖായോഗം ഗുരുദേവ ക്ഷേത്ര സന്നിധിയിൽ ക്ഷേത്രം തന്ത്രി ഷാജൻ ശാന്തികളുടെ കാർമ്മികത്വത്തിൽ ബലിതർപ്പണ ചടങ്ങുകൾ നടത്തും. പിതൃ മോക്ഷാർത്ഥം തിലഹവനം, പിതൃനമസ്‌കാരം എന്നിവയും നടത്താൻ അന്നേദിവസം സൗകര്യമുണ്ടായിരിക്കും.
ഓലിക്കാമറ്റം ശാഖാ ശ്രീനാരായണ ഗുരുദേവ ക്ഷേത്രത്തിൽ നടക്കുന്ന ചടങ്ങുകൾക്ക് മഹാദേവാനന്ദ സ്വാമികൾ (ശിവഗിരിമഠം) കാർമ്മികത്വം വഹിക്കും.

വഴിത്തലഎസ് എൻ പുരം ശ്രീ സുബ്രഹ്മണ്യ സ്വാമി ക്ഷേത്രത്തിൽ മേൽശാന്തി പ്രതീഷ് ശാന്തികളുടെ കർമികത്വത്തിൽ ബലി തർപ്പണം ആരംഭിക്കും.
കുറുമ്പാലിമറ്റം എലമ്പിലാക്കാട് ദേവീക്ഷേത്രത്തിൽ വൈക്കം ഉണ്ണിശാന്തിയുടെ മുഖ്യകാർമ്മികത്വത്തിൽ പിതൃതർപ്പണം നടക്കും.
തൊമ്മൻകുത്ത് നാൽപ്പതേക്കർ ശാന്തിക്കാട് ദേവീമഹാദേവ ക്ഷേത്രത്തിൽ ബലികർമ്മങ്ങൾക്ക് ക്ഷേത്രം തന്ത്രി മനോജ് മേലുകാവ്മറ്റം, മേൽശാന്തി സിസ്‌മോൻ എന്നിവർ മുഖ്യകാർമ്മികത്വം വഹിക്കും.
തേർഡ് ക്യാമ്പ് മഹാദേവർ ക്ഷേത്രത്തിൽ കർക്കിടകവാവിനോടനുബന്ധിച്ച് തിലഹഹോമം, പിതൃനമസ്‌ക്കാരം, പിതൃപൂജ, കൂട്ടനമസ്‌ക്കാരം എന്നിവ നടക്കും. ഔഷധക്കഞ്ഞി വിതരണം ചെയ്യും.

കരിമണ്ണൂർ ഗുരുദേവ മന്ദിരത്തിൽ മേലുകാവ് ടിസ്‌മോ ൻ ശാന്തിയുടെ മുഖ്യകാർമികത്വത്തിൽ നടത്തപ്പെടുന്നു ബലിദർപ്പണത്തിനു ശേഷം പങ്കെടുക്കുന്ന മുഴുവൻ ഭക്തർക്കും അന്നദാനവും ഏർപ്പാടാക്കിയുട്ടുണ്ടന്നും ശാഖ സെക്രട്ടറി വിജയൻ താഴാനി അറിയിച്ചു