ഡി.വൈ.എഫ്.ഐ നടപ്പിലാക്കുന്ന ഭവനനിർമ്മാണത്തിലേക്കാണ് തുക കൈമാറും
കട്ടപ്പന: ഒരു ദിവസത്തെ വരുമാനം മുഴുവൻ വയനാട്ടിലെ ദുരന്തബാധിതർക്ക് മാറ്റിവയ്ക്കുകയാണ് ഈ മേക്കപ്പ്മാൻ. കട്ടപ്പന സ്വദേശി രഞ്ജിത്ത് ഷാജിയാണ് വള്ളക്കടവിൽ പ്രവർത്തിക്കുന്ന തന്റെ മേക്കപ്പ് സ്റ്റുഡിയോയുടെ ഒരു ദിവസത്തെ വരുമാനം ദുരിതമനുഭവിക്കുന്നവർക്കായി നൽകുന്നത്. വയനാട് ദുരന്ത ഭൂമിയ്ക്കായി നാടെങ്ങും ഒറ്റക്കെട്ടായി സഹായവുമായി രംഗത്ത് വരുമ്പോഴാണ് കട്ടപ്പന വള്ളക്കടവ് സ്വദേശി തന്റെ സ്ഥാപനത്തിന്റെ ഒരു ദിവസത്തെ മുഴുവൻ വരുമാനവും വയനാട്ടിലേക്ക് നൽകാൻ സന്നദ്ധനായിരിക്കുന്നത്. ഡി.വൈ.എഫ്.ഐ യുടെ നേതൃത്വത്തിൽ ദുരിത ഭൂമിയിൽ വീട് വെച്ച് നൽകുന്നുണ്ട്. ഈ പദ്ധതിയിലേക്കാണ് രഞ്ജിത്ത് ഒരു ദിവസത്തെ വരുമാനം നൽകുന്നത്. രഞ്ജിത്ത് ഡി.വൈ.എഫ്.ഐ വള്ളക്കടവ് യൂണിറ്റ് സെക്രട്ടറി കൂടിയാണ്. ദുരിതബാധിതർക്ക് തന്നാലാകുന്ന സഹായം ചെയ്തു നൽകണമെന്ന ദൃഢനിശ്ചയമാണ് രഞ്ജിത്തിനെ ഈ പ്രവർത്തനത്തിലേക്ക് നയിച്ചത്. ശനിയാഴ്ച ഇന്നത്തെ വരുമാനം മുഴുവൻ വയനാട്ടിൽ നൽകുമെന്ന ബോർഡും സ്ഥാപനത്തിൽ സ്ഥാപിച്ചിരുന്നു. ഇതോടെ സ്ഥാപനത്തിൽ എത്തുന്നവരുടെ ഭാഗത്ത് നിന്ന് മികച്ച പ്രതികരണമാണ് ലഭിച്ചത്.