തൊടുപുഴ : വയനാട് ദുരിതാശ്വാസനിധിയിലേക്ക് ഒരു ദിവസത്തെ വേതനം സംഭാവന നൽകണമെന്ന് എൽ.ഐ.സി. ഏജന്റ്സ് ഓർഗനൈസേഷൻ ഓഫ് ഇന്ത്യ (സി.ഐ. റ്റി.യു.) കോട്ടയം ഡിവിഷൻ കൗൺസിൽ യോഗം എല്ലാ എൽഐസി ഏജന്റുമാരോടും അഭ്യർത്ഥിച്ചു. മുഖ്യമന്ത്രിയുടെ ദുരിതാശ്വാസനിധിയിലേക്കാണ് ഏജന്റ്സ് ഓർഗനൈസേഷൻ സംഭാവനകൾ അയക്കുന്നത്.

ഇത് സംബന്ധിച്ച് ചേർന്ന് ഗൂഗിൾ മീറ്റ് വെർച്ച്വൽ യോഗത്തിൽ എൽ. ഐ.സി. എ. ഒ. ഐ. സംസ്ഥാന വർക്കിംഗ് പ്രസിഡന്റ് സി ചന്ദ്രൻ റിപ്പോർട്ടിംഗ് നടത്തി.
ഡിവിഷണൽ പ്രസിഡന്റ് എസ് .സനൽകുമാർ അദ്ധ്യക്ഷനായി. ജനറൽ സെക്രട്ടറി സി. കെ. ലതീഷ് റിപ്പോർട്ട് അവതരിപ്പിച്ചു. . സെക്രട്ടറി സാലി മോഹൻ സ്വാഗതവും വൈസ് പ്രസിഡന്റ് സോണി പി. ജോർജ് നന്ദിയും പറഞ്ഞു.