തൊടുപുഴ : മർച്ചന്റ്സ് അസോസിയേഷന്റെ ആഭിമുഖ്യത്തിൽ ദേശീയ വ്യാപാര ദിനം സംഘടിപ്പിച്ചു. പ്രസിഡന്റ് രാജു തരണിയിൽ പതാക ഉയർത്തി. ചെറുകിട വ്യാപാര മേഖല വൻപ്രതിസന്ധിയിലൂടെയാണ് കടന്നു പോകുന്നതെന്നും ഇ -കൊമേഴ്സ് കമ്പനി കളുടെ കടന്നുവരവ്, ജി.എസ്.ടി.യിലെ അപാകത, മാലിന്യ സംസ്‌കരണം തുടങ്ങിയവ ചെറുകിട വ്യാപരികൾക്ക് പ്രതിസന്ധി സൃഷ്ടിക്കുകയാണ്. ഏതാണ്ട് 50 ലക്ഷം തൊഴിലാളികൾ ഈ മേഖലയിൽ തൊഴിലെടുക്കുന്നുണ്ട്. ഈ സ്ഥിതി തുടർന്നാൽ കൂടുതൽ വ്യാപാര സ്ഥാപനങ്ങൾ കച്ചവടം നിർത്തുന്ന സാഹചര്യത്തിൽ എത്തുമെന്നും ഇത് പരിഹരിക്കുന്നതിൽ സർക്കാരിന്റെ ഭാഗത്തുനിന്ന് ശക്തമായ ഇടപെടലുകൾ ഉണ്ടാകണമെന്നും രാജു തരണിയിൽ പറഞ്ഞു.തുടർന്ന് നടന്ന ചടങ്ങിൽ രക്ഷാധികാരി ടി .എൻ പ്രസന്നകുമാർ മുഖ്യപ്രഭാഷണം നടത്തി.ജില്ലാ ട്രഷറർ .ആർ രമേഷ്, ബ്ലോക്ക് പ്രസിഡന്റ എൻ .പി ചാക്കോ, ജോസ് വഴുതനപ്പിള്ളി, സാലി .എസ് മുഹമ്മദ്, അനിൽകുമാർ പി. കെ, ഷെരീഫ് സർഗ്ഗം, നാസർ സൈര,ഷിയാസ്, ലിജോൺസ്, ശിവദാസ്, ജോസ് കളരിക്കൽ എന്നിവർ വ്യാപാര മേഖലയിലെ പ്രശ്നങ്ങൾ അവതരിപ്പിച്ചു .നവാസ് സി കെ നന്ദി പറഞ്ഞു.