ഇടുക്കി: എച്ച്.എം.ടി.എ 50ാം വാർഷിക പൊതുയോഗം ഇന്ന് രാവിലെ 8ന് കട്ടപ്പന വെള്ളയാംകുടി കല്ലറക്കൽ ഓഡിറ്റോറിയത്തിൽ നടക്കും. പ്രസിഡന്റ് പി.കെ ഗോപിയുടെ അദ്ധ്യക്ഷതയിൽ ചേരുന്ന യോഗം മന്ത്രി റോഷി അഗസ്റ്റിൻ ഉദ്ഘാടനം ചെയ്യും. ചികിത്സാ സഹായനിധി ഡീൻ കുര്യാക്കോസ് എം.പി വിതരണം ചെയ്യും. അംഗങ്ങളുടെ കുട്ടികളിൽ പ്ലസ്ടു പരീക്ഷയിൽ ഉന്നതവിജയം നേടിയവർക്ക് സ്ഥാപക പ്രസിഡന്റ് കോരാ കുര്യൻ ചിറക്കൽപറമ്പിൽ മെമ്മോറിയൽ എൻഡോവ്‌മെന്റ് വിതരണം ചെയ്യും. പ്രൊഫഷണൽ ഡിഗ്രി കോഴ്സുകളിൽ ശ്രദ്ധേയമായ വിജയം നേടിയവർക്ക് ക്യാഷ് അവാർഡുകൾ നൽകും.
സുവർണ ജൂബിലി ആഘോഷങ്ങൾ ഒഴിവാക്കി പ്രദേശത്തെ ക്യാൻസർ രോഗികൾക്ക് ചികിത്സാ സഹായം വിതരണം ചെയ്യുമെന്ന്
പി കെ ഗോപി, എം കെ ബാലചന്ദ്രൻ, ലൂക്കാ ജോസഫ്, സണ്ണി ജോർജ്, കെ ബി രാജേഷ്, നോബി ജോസഫ് എന്നിവർ അറിയിച്ചു.