കട്ടപ്പന :സീറോ മലബാർ യൂത്ത് മൂവ്‌മെന്റ് കട്ടപ്പന ഫൊറോന യുടെ ആഭിമുഖ്യത്തിൽ മുല്ലപ്പെരിയാർ വിഷയത്തിൽ 12 മണിക്കൂർ ഉപവാസ സംഘടിപ്പിക്കും.മുല്ലപ്പെരിയാർ ഡാമുമായി ബന്ധപ്പെട്ടു ജനങ്ങൾക്കു സുരക്ഷാ ഉറപ്പു വരുത്തുക, ഡാം ഡീക്കമ്മിഷൻ ചെയ്യുക തുടങ്ങിയ ആവശ്യങ്ങൾ ഉന്നയിച്ചാണ് സമരം.
നാളെ രാവിലെ 8മുതൽ രാത്രി 8 വരെ പഴയ ബസ് സ്റ്റാൻഡിനോട് ചേർന്നുള്ള മുൻസിപ്പൽ മിനി സ്റ്റേഡിയത്തിലാണ് ഉപവാസം നടക്കുന്നത്. കട്ടപ്പന ഫൊറോനയിലെ വിവിധ ഇടവകകളിൽ നിന്നായി മുന്നോറോളം യുവജനങ്ങൾ പങ്കെടുക്കും. ഗാന്ധി സ്‌ക്വയറിൽ പുഷ്പാർച്ചനയോടുകൂടി നിരാഹാര സമരം ആരംഭിക്കും. സമരത്തിന് പിന്തുണ അറിയിച്ചുകൊണ്ട് മന്ത്രി റോഷി അഗസ്റ്റിൻ, ഡീൻ കുര്യാക്കോസ് എംപി,എം.എം മണി എം.എൽ.എ, വിവിധ മത സാമുദായിക രാഷ്ട്രിയ നേതാക്കൾ തുടങ്ങിയവർ പങ്കെടുക്കും. വൈകിട്ട് 5 ന് നടക്കുന്ന സമാപന സമ്മേളനം മുൻ എം.എൽ.എ പി സി ജോർജ് ഉദ്ഘാടനം ചെയ്യും. ഇടുക്കി രൂപത വികാരി ജനറാൾ ഫാ. ജോസ് പ്ലാച്ചിക്കൽ, മുല്ലപ്പെരിയാർ സമരസമിതി ചെയർമാൻ ഷാജി പി .ജോസഫ് വിവിധ മത സാമുദായിക രാഷ്ട്രീയ നേതാക്കൾ എന്നിവർ സംസാരിക്കും.സമാപന സമ്മേളനത്തിന് ശേഷം ടൗണിൽ റാലിയും സംഘടിപ്പിക്കുമെന്ന് ഭാരവാഹികൾ വാർത്ത സമ്മേളനത്തിൽ പറഞ്ഞു. എസ്.എം.വൈ.എം ഫൊറോന ഡയറക്ടർ ഫാ.നോബി വെള്ളാപ്പള്ളി, കട്ടപ്പന ഫൊറോന പ്രസിഡന്റ് അലൻ എസ്. പുലിക്കുന്നേൽ വൈസ് പ്രസിഡന്റ് ടെസ വിനോദ്, അലന്റ്‌മോൻ റോയി, എലിസബത്ത് തോമസ് , അർപ്പിത സൂസൻ ടോം, ചെറിയാൻ വട്ടക്കുന്നേൽ തുടങ്ങിയവർ വാർത്താ പങ്കെടുത്തു.