കട്ടപ്പന :മുഖ്യമന്ത്രിയുടെ ദുരിതാശ്വാസനിധിയിലേക്ക് 106000 രൂപ കൈമാറി സഹകരണ ആശുപത്രി ജീവനക്കാർ. വയനാടിന് കൈത്താങ്ങായി മാറാൻ ജീവനക്കാർ സ്വയം പ്രേരിതമായി സ്വരൂപിച്ചതാണ് ഈ തുക. സഹകരണ ആശുപത്രി ഡയറക്ടർ സി .വി വർഗീസ് ജീവനക്കാർ ശേഖരിച്ച തുക ഏറ്റുവാങ്ങി ദുരിതാശ്വാസ നിധിയിലേക്ക് കൈമാറി.
ചടങ്ങിൽ സഹകരണ ആശുപത്രി സൊസൈറ്റി പ്രസിഡന്റ് കെ .യു വിനു അദ്ധ്യക്ഷതവഹിച്ചു. വൈസ് പ്രസിഡന്റ് കെ പി സുമോദ്, ഡയറക്ടർമാരായ കെ .ആർ സോദരൻ, ടോമി ജോർജ്ജ്, മെഡിക്കൽ സൂപ്രണ്ട് ഡോ. ജോസൻ വർഗീസ്, മനേജിംഗ് ഡയറക്ടർ സജി തടത്തിൽ. സൊസൈറ്റി സെക്രട്ടറി ആൽബിൻ ഫ്രാൻസിസ്, പബ്ലിക് റിലേഷൻ ഓഫീസർ ലാൽജി ജോസഫ്, നഴ്‌സിംഗ് ഡയറക്ടർ ആൻ മാത്യു എന്നിവർ സംസാരിച്ചു.